A Selección Española do 3×3 comeza a preparar o Preeuropeo e o fai con presenza galega. A viguesa Marta Canella e as xogadoras do Durán Maquinaria Ensino Georgina Bahí e Helena Oma forman parte da convocatoria.
A seleccionadora Ana Junyer fixo público este martes o listado de xogadoras que conforman o equipo. Un total de oito baloncestistas que pelexarán entre o 25 e 26 de xuño en Tel Aviv (Israel) por unha praza para o Europeo de París de setembro.
A convocatoria está formada por:
- Sandra Ygueravide, do Villeneuve D’Ascq
- Vega Gimeno, do Casademont Zaragoza
- Aitana Cuevas, do Laboratorios Ynsadiet Leganés
- Marta Canella, do Barça CBS
- Georgina Bahí, do Durán Maquinaria Ensino
- Helena Oma, do Durán Maquinaria Ensino
Así mesmo, Gracia Alonso de Armiño, do Kutxabank Araski, e Mariona Ortiz, do Movistar Estudiantes, acudirán como invitadas.
Despois dunha gran actuación no Preolímpico, no que as españolas rozaron a clasificación para Toquio 2021, o combinado estatal busca o billete a París neste mes de xuño. Antes de viaxar a Israel, as españolas concentraranse na residencia Joaquim Blume de Barcelona.
O 3×3 de Marta Canella quédase ás portas dos Xogos Olímpicos
A Selección do 3×3 está encadrada no grupo C e deberá medirse ante Austria e Grecia por unha das dúas prazas que dan acceso á seguinte ronda. O corpo técnico que acompaña ao equipo está formado pola seleccionadora Ana Junyer, a preparadora física María Reina, o fisioterapeuta Roberto Lázaro e o doctor Emilio García.
