A figura da ximnasta olímpica Marta Bobo protagoniza unha nova xornada da serie ‘Pioneiras e andainas’ que promove o Consello da Cultura Galega. Nesta ocasión a cita leva o título “Mulleres e deporte: a paixón por defender o noso” e terá lugar o vindeiro xoves 26 de outubro de 2023 en Compostela no Pazo de Raxoi, 2º andar. A inscrición é de balde pero o acceso está limitado a un cento de persoas. As prazas adxudícanse por rigorosa orde inscrición.
Marta Bobo Arce, muller e deportista, é unha das pioneiras do deporte galego. Na actualidade continúa vencellada ao deporte en diferentes eidos. Exerce como xuíza internacional, pero tamén como investigadora e docente, ademais de ser coreógrafa e adestradora. Tal e como apuntan na presentación da xornada desde o Consello da Cultura Galega, Marta Bobo é unha “muller comprometida co deporte e o feminismo. Comprometida coa súa terra e a igualdade no deporte. Unha pioneira no deporte e na investigación”.
A xornada #pioneiras aborda a figura da ximnasta Marta Bobo. Chegou ao máis alto da competición e segue a ser un referente. É adestradora, coreógrafa e unha muller comprometida. Coordinan: @carmeadan e Cristina López Villar.
🗓️26/10
📢Inscrición abertahttps://t.co/plwO8n1LrK— Consello da Cultura Galega (@consellocultura) October 5, 2023
Pasado, presente e futuro pretenden ir da man esta xornada na que se propón “revisar décadas de loita das mulleres polo recoñecemento no mundo do deporte, mais ollando tamén aos retos de futuro. Para este obxectivo estaremos acompañadas por deportistas novas que, grazas aos moitos camiños abertos, seguen eliminando obstáculos e denunciando o acoso e a persecución que viven no mundo deportivo. Tamén poderemos gozar da experiencia de persoas que compartiron os tempos de adestramento e logros deportivos con Marta Bobo“, explican desde o Consello da Cultura Galega.
A xornada o “Mulleres e deporte: a paixón por defender o noso” da serie ‘Pioneiras e andainas’ está coordinada por Carme Adán Villamarín e Cristina López Villar, terá lugar o xoves 26 de outubro de 2023 en xornada de mañá e tarde co seguinte programa:
9:30 horas | Presentación
Rosario Álvarez, presidenta do CCG, Carme Adán, coordinadora da xornada.
Sesión científica | Logros deportivos e dereitos das mulleres: Un camiño de esforzo
10:00 horas | Mulleres nos Xogos Olímpicos
Merce Barrientos, presidenta de MUDEGA, docente de ensino secundario e licenciada en Educación.
Física.
Presenta: Carme Adán, coordinadora do Centro de Documentación en Igualdade e Feminismos.
11:00 horas
Presentación da Cartografía de Marta Bobo Arce
Mariám Mariño Costales, técnica do Centro de Documentación en Igualdade e Feminismos.
11:30 horas | Pausa
12:00 horas | A visión das mozas no deporte
- Presenta e modera: Claudia López López, redactora de deportes en Blandes Comunicación, mestrado en Periodismo e Comunicación Deportiva e doutoranda e graduada en Ciencias do Deporte na Universidade da Coruña.
As mulleres no fútbol
- Raquel Béjar Castro, unha das dúas primeiras xogadoras con contrato profesional do Deportivo de La Coruña e graduada en Ciencias do Deporte.
As mulleres na ximnasia
- Candela Martínez Bobo, medalla de ouro en cinta e de bronce en mazas na categoría sénior do Campionato de España de Ximnasia Rítmica 2022.
As mulleres na competición
- Laura Santos Iglesias, subcampioa de España de bádminton e medalla de prata por equipos no Campionato de Europa 2023. Graduada en Ciencias do Deporte.
- As mulleres no alto rendemento
Sofía Toro Prieto-Puga, medalla de ouro nos Xogos Olímpicos de Londres 2012 na clase Elliott 6m de vela e no Campionato Europeo desta modalidade en 2011. Campioa mundial da Match Race de 2013. Actualmente xerente do Clúster Galego da Industria do Deporte. Graduada en Ciencias do Deporte.
Sesión da tarde | Memoria e dereitos das mulleres no deporte.
17:00 horas | Entrevista
- Silvia Carregal Martínez, xornalista e directora de As Nosas, xornal do deporte feminino galego, conversa con Marta Bobo Arce.
18:00 horas | Experiencia vivida e afectos
- Presenta e modera: Héctor Pena, xornalista e historiador.
- Aurora Martínez Vidal, primeira adestradora de Marta Bobo. Introduciu a ximnasia rítmica en Galicia e tivo un papel relevante na Federación Galega de Ximnasia. Doutora, directora de departamento e profesora xubilada da UVigo.
- Sonia Conde, adestradora de ximnasia rítmica, ex-ximnasta da Selección Española e compañeira en Madrid de Marta Bobo.
- Alberto Oro, compañeiro de Marta Bobo na Facultade de Ciencias do Deporte da UDC até a súa xubilación, médico de formación e escultor.
19:15 horas | Clausura e performance deportiva
