O equipo vasco Azkoitia Azpeitia ISB chegaba a este encontro fronte ao Maristas Coruña, da sexta xornada de Liga Feminina 2, necesitando sumar puntos para escapar das posicións baixas da clasificación despois dunha dura derrota contra o Baxi Ferrol. E así foi.
Despois dunha metade liderada polo equipo visitante e un terceiro cuarto onde parecía que as galegas ían dar a sorpresa e levar os dous puntos, as xogadoras de Iurgi Caminos lograron gañar o partido cun resultado final de 60 – 77.
O Maristas perde a racha tras dúas vitorias consecutivas
O partido comezou bastante igualado, cun primeiro cuarto que acabaría cunha lixeira vantaxe de cinco puntos do conxunto vasco. Unha diferenza que aumentou no segundo parcial, cando o Azpeitia chegou a duplicar os puntos das locais (11-22).
Á volta do descanso, o Maristas saíu enchufado á pista e logrou imporse durante o terceiro cuarto, cunha lixeira vantaxe de dous puntos. Pouco durou, xa que para o tempo final as visitantes volveron a dominar o partido terminando o cuarto parcial por 13-16.
Porén, malia a derrota que rematou coas boas sensacións acadadas coa vitoria da xornada anterior fronte ao Vega Lagunera de Tenerife, a xogadora mellor valorada do partido foi a do conxunto local, Andrea Pérez, cun total de 27 de puntuación.
FICHA TÉCNICA
60) MARISTAS: Laura Martínez (4), María Cortés (2), Eugenia Filgueira (12), Laura Cervelo (9), Joana Cristina Pereira (12) – quinteto inicial -. Tamén xogaron: Marina Feijóo (-), Beatriz Sanz (-), Tatiana Casal (6), Ariadna González (-) e Andrea Pérez (15).
77) AZKOITIA AZPEITIA ISB: Sara Iparragirre (14), Saioa Altzaga (-), Alazne Lizundia (7), Manuela Effa (12), Symouree Green (19)– quinteto inicial -. Tamén xogaron: María Otaegi (1), Intza Lizarazu (7), Paula Sanjuan (5) e Desiree Primm (12).
PARCIAIS: 14-19, 11-22, 22-20 e 13-16.
ÁRBITROS: Jaime Enrique Álvarez-Ossorio e Samuel Martínez
INCIDENCIAS: Partido correspondente á sexta xornada da Liga Feminina 2 disputado no colexio Maristas de A Coruña a porta pechada.
