A primeira xornada da segunda volta de Liga Feminina 2 e primeira do 2021 enfronta a dous conxuntos galegos: o Maristas Coruña e o Ulla Oil Rosalía, que se citarán o mércores, 6 de xaneiro, ás 20:00 horas no colexio coruñés.
Os dous equipos galegos comparten un obxectivo común, o de loitar pola permanencia na LF2. Por iso, unha vitoria sería vital para ambos, o que lles permitiría sumar puntos para saír da cola da táboa e á vez superar a un rival directo.
As coruñesas, que xogarán como locais esta xornada, tamén despediron o ano cun partido galego, ante o Celta Zorka Recalvi, que rematou en derrota para as herculinas.
Esta foi a sexta derrota que sufriron de maneira consecutiva, o que as deixa a catro puntos das colistas, o Magec Tías, sendo ademais un dos equipos que menos anota da competición.
Pola súa banda, o Rosalía non chega nunha posición moito mellor, aínda que o plantel de Chiqui Barros viu unha evolución no seu xogo ao longo da primeira volta.
Despois dun mal inicio de tempada nunha categoría na que son novatas, as xogadoras de Barros comezaron a coller o rodaxe necesario e sumaron tres vitorias e algúns partidos vitais para a súa confianza, como o disputado ante o Ardoi, cunha derrota tras unha gran actuación.
Ademais, ambos conxuntos xa mediron forzas recentemente. O pasado 17 de decembro citáronse na pista do Rosalía para recuperar o partido adiado da primeira xornada. Naquela ocasión, os puntos quedaron na casa, cun Ulla Oil Rosalía que sumaba unha terceira vitoria vital para lograr a súa meta.
#LF2
Maristas Coruña – Ulla Oil @RosaliaFEDESA
Miercoles 6 de enero
20:00
Pabellón de Maristashttps://t.co/UUc5sWpf0s@SomosABANCA @Deportegalego @FundEmalcsa @ConcelloCoruna @fdeportegal @Xunta @FGB_Baloncesto @coruna_deportes #NON #Maristas #ActitudparaAprender pic.twitter.com/sN9fx65A6v— Club Maristas Coruña (@MaristasCoruna) January 3, 2021
