Xornada de luces e sombras para os conxuntos galegos da Liga Femenina 2 (LF2), que continúa có Maristas Coruña no primeiro posto tras a súa terceira vitoria consecutiva, colleitada, desta volta, ante o Manresa CBF A (66-54). Tamén son tres triunfos os que atesora o Mariscos Antón Cortegada. Mentres, o CB Arxil descende ata o 13.º posto da táboa clasificatoria.
Maristas Coruña continúa liderando a táboa da Liga Femenina 2
O Maristas Coruña, saiu vitorioso, unha vez máis. Esta semana o seu rival foi o Manresa CBF A (66-54), disputado na Coruña o pasado sábado 18.
As galegas mantéñense invictas e líderes da LF2, o que fai pensar que pode ser unha tempada moi interesante para o equipo. Agora terán que facer o posible por manter esta racha de triunfos e demostrar que pretenden seguir á cabeza da competición.
Ver esta publicación en Instagram
FICHA TÉCNICA
PARCIAIS: 19-21, 11-8, 16-17, 20-8
EQUIPO ARBITRAL: Andrés Esteban Domínguez e Martín Trasancos Blanco
INCIDENCIAS: Partido correspondente á terceira xornada da LF2, disputado no Maristas Colegio (A Coruña).
Mariscos Antón Cortegada faise coa vitoria no seu segundo partido da tempada
O Mariscos Antón Cortegada venceu ante o Talenom Boet Mataró (81-58) no seu segundo partido de liga disputado o pasado sábado en Vilagarcía de Arousa.
As do cadro galego, que xunto ao TNG Basket A, son os únicos equipos que xogaron tan só dous partidos no que vai de curso, saíron vitoriosas en ambos encontros. Os puntos colleitados colócaas na sétima posición da táboa dunha competición que comeza a poñérselle de cara ao conxunto galego.
Loitarán agora por manter este lapso de triunfos na vindeira xornada.
FICHA TÉCNICA
PARCIAIS: 23-18, 17-6, 17-17, 24-17
EQUIPO ARBITRAL: Christian Abalo Buceta e Víctor González Wisniowski
INCIDENCIAS: Partido correspondente á terceira xornada da LF2, disputado no Pavillón Municipal Sara Gómez (Vilagarcía de Arousa).
Futuro borroso para o C.B. Arxil que acumula tres derrotas consecutivas na LF2
O horizonte é moi distinto para o C.B. Arxil, o cadro pontevedrés sufriu cunha contundente derrota no seu campo no encontro que as medía ao Mipelletymas B.F. León (57-98), e caeu ata a décimo terceiro lugar da clasificación da LF2.
Un futuro incerto para as galegas, que suman xa tres derrotas nos tres partidos xogados ata o momento e que terán que intentar escalar posicións na táboa nas próximas xornadas.
FICHA TÉCNICA
PARCIAIS: 12-24, 15-23, 16-23, 14-28
EQUIPO ARBITRAL: Pilar Carrasco Pujante e Iago Leal López
INCIDENCIAS: Partido correspondente á terceira xornada da LF2, disputado no Pavillón Municipal dos deportes de Pontevedra
RESULTADOS DA XORNADA DA LIGA FEMENINA 2 GRUPO B
- Mariscos Antón Cortegada-Telenom Boet Mataró 81-58
- Maristas Coruña-Manresa CBF A 66-54
- B. Arxil-Mipelletymas B.F. León 57-98
- Siroko Gijón Basketball-Ibaizabal 66-71
- Abril Abda Sanfer-Horbisa Spirit Greenkw Barakal 74-61
- Robles Lleida-TNG Básquet A 72-57
- Romakuruma U.E. Mataró-Smartlog Ointxe 72-66
