A 16 xornada da Liga Feminina 2 celebrarase o 16 de xaneiro para o Maristas Coruña e a AD Cortegada, que enfrontaranse en terras coruñesas ás 20:00 horas.
Sen dúbida, a igualdade reinará no partido. Ambos conxuntos galegos atópanse na loita pola permanencia e están separadas soamente por un punto, ocupando o Maristas a décima posición e o Cortegada a undécima.
Os dous rondan os 60 puntos de media por partido e un acerto nos tiros de campo cercano ao 40%. En termos valorativos, as azuis son lixeiramente superiores, cun 45,6 de media, fronte ao 43,3 coruñés.
Por iso, para os dous equipos gañar é vital. Ademais, ambos chegan dunha derrota, que buscarán deixar atrás para lograr o obxectivo de salvar a categoría.
No caso do Maristas, na pasada xornada enfrontáronse ao Arxil, cun resultado pouco favorable para as coruñesas. Con catro vitorias e once derrotas, as herculinas están a cinco puntos do colista, e dous do penúltimo clasificado.
En cifras similares móvense as de Vilagarcía. Unha vitoria menos, tras a derrota ante o insuperable BAXI Ferrol, as sitúa a catro puntos das colistas, sendo o segundo equipo que máis puntos en contra recibe, precisamente detrás do Maristas.
Na ida, a vitoria foi para o Cortegada, que logrou impoñerse na súa propia cancha cun 68-57 a favor. O Maristas estivo por detrás durante todo o encontro, especialmente na primeira metade, na que as xogadoras de Jorge Carreira non souberon frear ás locais.
Para esta nova xornada, as herculinas deberán xogar co factor casa e facerse fortes na súa pista. Os dous puntos en xogo son vitais e ambos equipos loitarán sen descanso pola vitoria.
Marina Feijoo, do Maristas, cumple 125 partidos en LF2
A xornada anterior foi motivo de celebración nas filas do Maristas. A súa xogadora Marina Feijoo, ex do Ensino, cumpría 125 partidos na categoría de prata.
A 25 vermella, canteirana do Calasancias, recibiu as felicitacións do seu adestrador, orgulloso de tela no seu equipo, e tamén do BAXI, conxunto do que formou parte na mesma categoría.
Siempre en mi equipo, eres ejemplo como jugadora y sobretodo como persona. No lo dejes nunca 🧓 https://t.co/AzdzT1Y02e
— JorgeCarreiraÁlvarez (@JorgeCarreira15) January 14, 2021
