O Maristas Coruña xa volveu aos adestramentos para preparar o primeiro partido do 2022, no que xogarán ante o Barakaldo en busca da terceira vitoria consecutiva. O equipo adestrado por Esther Muñiz estaba a vivir un gran momento antes do parón de Nadal e agora buscan retomar sensacións e resultados.
Este martes, a preparadora estivo en Radio Coruña, onde se mostrou optimista cos próximos meses de competición: “Non tiñamos que ter parado. Íamos lanzadas en todo, en sensacións, forma de xogo e todo”.
Primeiro rival: o Barakaldo
Respecto ao seu rival nesta xornada, a adestradora do Maristas Coruña asegura que terán enfronte a un equipo “complicado. Teñen tres americanas e unha practicamente xoga soa. É un partido complicado pero xogamos en casa, vimos de boas sensaciósn e esperemos levar adiante o noso xogo e sacar un partido moi complicado, sobre todo polo parón”.
“Johnson é unha pasada, pode xogar en claquera equipo de LEB ou EBA. Será un partido complicado, teñen xente grande, pero nós temos as nosas bazas e en casa nos temos que facer fortes e non deixar escapar ningún partido contra ningúen”, declarou a preparadora.
A técnico explicou na radio que o club retomou este luns os adestramentos despois de dúas ben merecidas semanas de descanso, xa que as xogadoras non paraban desde agosto. O parón de Nadal non preocupa a Muñiz, quen asegurou que confía no traballo das súas xogadoras.
Volve o protocolo COVID
Cos casos de coronavirus aumentando, a FEB volveu poñer en marcha o protocolo COVID. Desta forma, as xogadoras do Maristasteñen que pasar un dobre test semanal, polo de agora previsto ata o 28 de febreiro.
“Onte só adestramos con seis, pero as seis que viñeron fixeronno moi ben. Fixemos test e dimos todas negativos. Agora o xoves, que volveremos adestrar, volveremos facer tests. Isto vai marcar o ritmo do calendario, porque haberá partidos que aprazar e o ritmo será complicado. Seguiremos os protocolos que para iso están e que poidamos facer un deporte seguro para todo o mundo”, confesou.
