Arrincou a LF2 e a primeira xornada deu como resultado as derrotas do CB Arxil e Maristas Coruña, e o triunfo do Mariscos Antón Cortegada que xogou ademais dous partidos, gañando os dous e colocándose líder da clasificación.
O Ingenia Solar Energy Costa de Almería tiña como reto na primeira xornada da LF2 visitar a cancha do Club Baloncesto Arxil. As andaluzas aproveitaron o desprazamento a terras galegas para xogar tamén o partido previsto para a terceira xornada co Mariscos Antón Cortegada. Deste xeito, as de Vilagarcía de Arousa xogaron dous partidos na xornada inaugural, un co Maristas Coruña e outro coas almerienses. Nos dous venceron así que son líderes da categoría.
Triunfo do Mariscos Antón Cortegada ante o Maristas no duelo galego
O Pavillón de Fontecarmoa acollí ao duelo entre galegas do Mariscos Antón Cortegada e Maristas Coruña. As herculinas acusaron as baixas e, por moito que as xogadoras adestradas por Fernando Buendía se esforzaron en tarefas defensivas, o Mariscos Antón Cortegada resultou vencedor.
Ao descanso o electrónico de Fontecarmoa marcaba 33-27 e ao final do partido 61-53. Antes, as coruñesas remontaran rematando o terceiro cuarto cun 45-40 que as mantiña vivas no partido. Pero unha actuación estelar da pivot das de Vilagarcía, Mercy Wanyama, puxo freo ás aspiracións do Maristas. Mercy Wanyama rematou o partido con 27 puntos no seu haber e 43 de valoración e, polo tanto, MVP do partido.
FICHA TÉCNICA
61) MARISCOS ANTÓN CORTEGADA (16+17+12+16): Carla García (5), Sara Gómez (19), Sara Corredoira (2), Ángela Coello (4) e Mercy Wanyama (27) – quinteto inicial -. Tamén xogaron: Andrea Ríos (-), Nuria Chorén (-), Lorena Castro (-) e Blanca Manivesa (4).
53) MARISTAS CORUÑA (10+17+13+13): Laura Martinez (10), Lucía Galán (6), Eugenia Filgueira (12), Eliska Stebetakova (7) e Razo (9) – quinteto inicial -. Tamén xogaron: Marina Feijóo (1), Andrea Peregrina (1), Raquel Botana (2), Ester Sintes (5) e Laura Ibáñez (-).
PARCIAIS: 16-10, 33-27, 45-40, 61-53
EQUIPO ARBITRAL: Colexiados Elio Clavería Sánchez e Samuel Martínez Covelo.
INCIDENCIAS: Partido correspondente á 1ª xornada da LF2 xogado no pavillón Fontecarmoa de Vilagarcía.
Cinco tempos precisou o Almería para para levar o triunfo do CGTD
Apunto estivo o Club Baloncesto de dar a sorpresa diante do vixente campión de grupo o Ingenia Solar Energy Costa de Almería co que empatou ao final do catro cuartos habituais obligando ás almerienses a loitar pola vitoria nun tempo extra no que so puideron colocarse unha canastra por encima. Abondou para levar o triunfo de terras galegas pero tamén para deixar claro que este Club Baloncesto Arxil dará que falar nesta tempada.
Después de pasar el día de ayer viajando nuestro @ISE_Ingenia se encuentra en Pontevedra para medirse a @ArxilCb y dar comienzo a la temporada 💪
El partido se disputará a las 19:30 de hoy (1 de Octubre) y será retransmitido en directo➡️https://t.co/B6OC43dFXi
Ánimo equipo🔥 pic.twitter.com/V4cfbwNBAz
— CB Almería (@cbalmeria) October 1, 2022
No primeiro cuarto as andaluzas finalizaron por diante (23-17) e tamén no segundo chegando ao descanso cun 40-32 no electrónico do pavillón do Estadio da Xuventude do Centro Galego de Tecnificación Deportiva de Pontevedra. Reaccionou logo do paso por vestiarios o conxunto verde e empatou o partido no terceiro (52-52) e no cuarto período (68-68).
Obligou así o Club Baloncesto Arxil ao Ingenia Solar Energy Costa de Almería a loitar pola vitoria nun quinto tempo que rematou dous puntos por encima. Vendeu cara a súa pel o conxunto galego pese á derrota.
A MVP do partido foi a local Heather Forster cun 27 de valoración e 21 puntos que a convertiron na máxima anotadora do partido.
FICHA TÉCNICA:
75) CB ARXIL (23+17+12+16+7): Carolina Ribeiro dos Santos (13), Margarita Moreira (8), Heather Forster (21), Nerea Liste (8) e Nena Trajchevska (15) – quinteto inicial -. Tamén xogaron: Mariam García (2), Cris Díaz Pache (6), Andrea Glomazic (2), Carmen Ortiz (-).
77) INGENIA SOLAR ENERGY COSTA DE ALMERÍA (17+15+20+16+9): Alicia González (20), Lucía Méndez (41), Joana Cristina Pereira (8), Irene Garrido (11) e Lucía Hervia (-) – quinteto inicial -. Tamén xogaron: Marta Pérez (2), María Arrebola (2), Ainhoa Berenguel (-), Clara Prieto (11) e María del Mar Fernández Cueto (10).
PARCIAIS: 23-17, 40-32 , 52-52 , 68-68 e 75-77 .
EQUIPO ARBITRAL: Colexiados Christian Abalo Buceta e Anxo Severo Méndez Insua.
INCIDENCIAS: Partido correspondente á 1ª xornada da LF2 xogado no pavillón do CGTD (Estadio de Xuventude) de Pontevedra. Estatísticas do partido.
Liderato para o Mariscos Antón Cortegada ao vencer ao ISE CB Almería 59-46
O Ingenia Solar Energy Costa de Almería aproveitaba a súa visita a Pontevedra para facer unha xira galaica e disputar, de camiño, o partido que tiña previsto para a xornada 3ª na cancha do Mariscos Antón Cortegada. Non lle saíu ben a xogada ás andaluzas que case perden en Pontevedra (75-77) e caeron derrotadas en Vilagarcía (53-46).
Co dobre triunfo do equipo que adestra Javi Nogueira esta fin de semana (gañaron primeiro ao Maristas Coruña J1, e logo ao CB Almería en partido adiantado da J3), o Mariscos Antón Cortegada colócase líder da LF2 no Grupo A.
O Mariscos Antón Cortegada dominou o xogo e o electrónico (salvo en dous momentos puntuais) todo o partido. Se ante e Maristas Coruña a aportación de Mercy Wanyama fora crucial, ante o conxunto andaluz non o foi menos. Repetiu como MVP, nesta ocasión con 22 de valoración. Esta vez fixo 14 e capturou outros tantos rebotes. Inmensa!
Remataban as locais so un punto arriba o primeiro cuarto (12-11) e cunha curta vantaxe de dous no descanso (28-26). Pero á volta de vestiarios foron incrementando a súa vantaxe rematando o terceiro cuarto cinco arriba (40-35) e concluíndo cun gran último período que colocaría o marcador ao termo do partido cun 59-46 a favor das de Vilagarcía.
FICHA TÉCNICA
59) MARISCOS ANTÓN CORTEGADA (12+16+12+19): Carla García (11), Andrea Ríos (-), Sara Gómez (7), Blanca Manivesa (6) e Mercy Wanyama (14) – quinteto inicial -. Tamén xogaron: Nuria Chorén (4), Lorena Castro (-), Sara Corredoira (10), Ángela Coello (4) e Ángela González (3).
46) INGENIA SOLAR ENERGY COSTA DE ALMERÍA (11+15+9+11): María Arrebola (3), Joana Pereira (6), Lucía Méndez (3), Irene Garrido (7) e Jimena Atienza (-) – quinteto inicial -. Tamén xogaron: Lucía Hervia (-) , Ainhoa Berenguel (-), R. Cortés (-), Clara Prieto (7), María Fernández (3) e Alicia González (17).
PARCIAIS: 12-11, 28-26, 40-35 e 59-46.
EQUIPO ARBITRAL: Colexiados Iris Díaz Feijoo e Andrés Esteban Domínguez.
INCIDENCIAS: Partido correspondente á 3ª xornada da LF2 xogado no pavillón do Fontecarmoa de Vilagarcía de Arousa.
