O proxecto Marines ENKI, que naceu como homenaxe a Mario e Inés, dous nenos con diversidade funcional, recadou nos últimos nove meses 2.034 euros para a súa iniciativa. Co diñeiro conseguido compraranse dous carros de running para achegar así o deporte aos menores que padecen diversidades funcionais.
O pasado mes de xaneiro comezaba a plantexarse esta idea, baixo o lema “empujando sonrisas”, coa intención de motivar ás familias con nenos discapacitados e que queren compartir a súa afección polos deportes nos eventos que se celebran na cidade de A Coruña.
Coa participación de Mario e Inés e das súas familias na media maratón Coruña C21, o pasado 16 de febreiro, iniciouse este proxecto, que naceu coa intención de celebrar unha carreira ao mes e realizar quedadas deportivas para normalizar a participación de persoas con discapacidad e integralas nos grupos de corredores, rutas de sendeirismo e saídas polo monte. A pandemia de COVID-19 truncou estes planes, pero non a ilusión e solidaridade do proxecto.
Tras o éxito das camisetas, Marines ENKI tamén venderá gorras
Marines ENKI puxo desde febreiro á venda na súa web e nas tendas Marathon e Cume Norte unha tirada de camisetas co logo da campaña para poder financiar a adquisición de material adaptado para menores como Mario e Inés. Os carros de running teñen un costo de 1.271 euros, polo que os 2.034 euros acadados ata agora irán destinados á compra de dous deles.
O éxito destas ventas foi tal que xa se deseñaron gorras que poderán adquirirse nos mesmos tendas e na web por 12 euros a unidade. O que se recaude con estas ventas irá tamén destinado a adquirir máis material deportivo adaptado.
A través desta plataforma, Marines ENKI quere visibilizar o deporte adaptado e a inclusión, apoiados por diversos clubes de atletismo e voluntarios. Por iso, desde a organización, agradecen todo o apoio que recibiron e que fai posible que máis nenos con discapacidades poidan desfrutar do deporte sen limitacións.
