O CW Pontevedra estrearase este curso na Primera División Femenina do waterpolo estatal que arrinca a vindeira fin de semana. Pero as xogadoras galegas deste club non será a única representación de Galicia na categoría. Marina Casado, ex precisamente do CW Pontevedra, milita no Waterpolo 9802 de Pamplona.
No CW Pontevedra conversaron coa deportista antes do arranque da competición que fara que a galega se mida ao seu ex equipo. Consultada sobre como se presenta para ela a tempada en termos persoais, Marina Casado explicaba que non agarda novidades. “Será como levo facendo toda a vida. Compatibilizando ao máximo posible o traballo e os estudos co waterpolo. Hai que facer un gran sacrificio pero paga a pena para poder aportar máis ao equipo e xogar ao máximo nivel”, explicaba a deportista.
Sobre o obxectivo do seu club, o Waterpolo 9802 , de cara a esta tempada, Marina Casado declaraba ao CW Pontevedra: “O noso principal obxectivo é gozar do noso xogo e loitar todos os partidos. Cumprindo iso, gustaríanos clasificárnos para os play-off competindo así entre os catro primeiros equipos da liga”.
Ao respecto das diferencias que atopou entre adestrar e xogar en Pontevedra e o como o fai agora en Pamplona, Marina Casado explicaba que a “principal diferencia que vivín foi o cambio de adestrar con rapaces, xogando con equipos mixtos durante practicamente todo o ano, a enfocarme en Pamplona ao waterpolo feminino xogaondo na liga Euskal-Herria, onde éramos 10 equipos femininos e tiñamos partidos case todas as fines de semana. En canto aos adestramentos, notei que tiñamos moitísimos máis medios en Pamplona que en Pontevedra. Entrenando todos os días en piscina completa unicamente o equipo feminino”, detallaba a waterpolista galega ao seu ex equipo.
“Iso fíxome valorar moito máis o waterpolo galego, xa que co pouco que tiñamos, faciamos maxia”, destaca a deportista pontevedresa.
