Xa hai datas e sede confirmadas para a Fase Final da XXXIV Copa Galicia Sénior Feminina. A Federación Galega de Baloncesto, coa colaboración directa de Concello de Marín e Marín Peixe Galego, levará a disputa definitiva da competición copeira ata esa vila. A cancha de xogo competitiva será o Pavillón da Raña.
Esta fase final da Copa Galicia de baloncesto feminino, marcada pola situación sanitaria, presenta un calendario repartido en meses diferenciados.
A semifinal, que enfrontará a BAXI Ferrol e RC Celta Zorka Recalvi, como os dous mellores equipos da Fase Previa, celebrase este próximoluns, 12 de outubro (18.30 h). A cita será a porta pechada e con retransmisión a través de FEGABA TV, a canle streaming da Federación Galega de Baloncesto.
A final da Copa Galicia será o 16 de febreiro en Marín
Pola súa banda, a final terá que agardar ata o 16 de febreiro do vindeiro 2021. Para ese partido xa está clasificado directamente o Durán Maquinaria Ensino, pola súa condición de único equipo galego de Liga Feminina Endesa.
Será nesta data cando se coñeza quen se fai co título da XXXIV Copa Galicia. Na súa pasada edición o trofeo foi a parar ás vitrinas do Ensino, que acadaba as victoria diante o RC Celta no partido decisivo.
Consulta aquí a Fase Previa da XXXIV Copa Galicia Sénior Feminina
