A nadadora do Club Natación Liceo, María de Valdés, acadou esta fin de semana a súa clasificación para o preolímpico de Augas Abertas de natación. A cita vaise disputar a finais de maio en Fukuoka (Japón)
De Valdés acadou un lugar na competición que terá lugar no país nipón ao ser a segunda nadadora da Selección Española na proba de 10K do Marathon Swim World Series en Doha (QAT), según informa a Federación Galega de Natación.
En Doha, María De Valdés non foi a única galega. Alí estivo tamén a nadadora María Vilas Vidal do Club Natación Galaico e bolseira do CGTD que rematou a competición como cuarta española clasificada.
