A coruñesa María Sanjurjo volve a casa. A xogadora regresa ao Hockey Club Liceo para disputar a vindeira tempada vestida de verdibranca na máxima categoría, a OK Liga. O propio club a califica como “unha peza clave no futuro do equipo” para facer fronte ao desafío da división de ouro.
Antes de volver á Coruña, a galega formou parte do plantel do Telecable HC de Gijón durante tres tempadas. Os seus inicios estiveron vinculados ao Dominicos, onde comezou o seu camiño no hoquei, para posteriormente fichar polo propio Liceo, co que xogaría en OK Liga.
Malia ter só 21 anos, Sanjurjo conta con experiencia en grandes competicións, e títulos como unha Copa da Raíña e un Campionato do Mundo obtivo no 2019 no Roller Games de Barcelona.
A volta da xogadora herculina é a terceira incorporación das verdibrancas, tras a chegada de Alba Garrote e Adriana Soto e a renovación de Bea Gaete.
✅ ¡María Sanjurjo regresa ó #DeportivoLiceo!
➡️ A coruñesa volve a casa e convértese na terceira fichaxe do equipo tras Alba Garrote e Adriana Soto. ¡Benvida de novo, @msanjurjo_9!
🔗 https://t.co/Skl5HL3CdR pic.twitter.com/nBwLf3nufg
— Hockey Club Liceo Feminino (@HCLiceoFem) June 22, 2021
