O seleccionador español Ricard Muñoz anunciou a lista de xogadoras convocadas que formarán parte da Selección Española de hóquei a patíns no Campionato de Europa 2023, previsto para que se dispute do 3 ao 9 de xullo. Na convocatoria de dez deportistas esta a coruñesa María Sanjurjo.
María Sanjurjo militou este curso no HC Deportivo Liceo que vén de anunciar a cesión da súa praza na OK Liga Iberdrola a unha “nova entidade” que xestionará o equipo mantendose na Coruña pero deixando de levar o nome do HC Liceo.
A Federación Española de Patinaje explica que aínda que se sabe “que se realizará en Portugal, aínda non coñecemos a localización definitiva”.
Tras proclamarse subcampioa do mundo nos World Skate Games de Arxentina 2022, o combinado español feminino máis laureado do deporte español defenderá o título que conseguiu en Luso (Portugal) hai dous anos.
Esta é a lista de seleccionadas na que está a liceísta:
Porteiras
- Laura Vicente – Generali HC Palau
- Anna Salvat – CP Vila-sana
Xogadoras
- Laura Puigdueta – Generali HC Palau
- Aina Florenza – Generali HC Palau
- Mariona Colomer – Generali HC Palau
- Sara Lolo – Telecable HC
- Marta Piquero – Telecable HC
- Sara Roces – Telecable HC
- María Sanjurjo – HC Deportivo Liceo
- Victòria Porta – CP Vila-sana
