- A Selección Española feminina de hoquei sobre patíns vén de proclamarse campioa de Europa da disciplina ao vencer ao combinado de Portugal na gran final do Campionato de Europa.
- O triunfo de España foi por 7-2 e nas filas da vermella estaba a galega María Sanjurjo que anotou dous tantos.
- España logrou o seu noveno título continental, o oitavo consecutivo, e fixo así historia do deporte feminino español.
A selección española de hoquei sobre patíns proclamouse campioa de Europa por novena vez, a oitava consecutiva, e segue sumando éxitos ao seu palmarés e o fixo coa galega María Sanjurjo nas súas filas.
Ver esta publicación en Instagram
España remontou o 1-0 adverso na primeira metade e dominou o encontro de principio a fin asinando unha competición sobresaliente para terminar gañando a final por 7-2.
Cun Pavillón Rota dos Moveis presentando unha gran entrada, ambas as seleccións sabían desde o inicio o que se estaban xogando. A primeira en golpear foi Portugal, que inaugurou o marcador cun gran gol de Marlen Sousa. A partir de aquí, a selección española non tardou en reaccionar e dominou a primeira metade con catro goles obra de Aina Florenza (2), María Sanjurjo e Aimee Blackman.
Segundo gol de María Sanjurjo
No segundo tempo, o dominio das españolas continuou e a capitá Marta Piquero puxo o 5-1 no electrónico. Aos 7 minutos do segundo tempo, Portugal reduciu distancias mediante Beatriz Varzeas, pero os tantos de Aina Florenza e María Sanjurjo, de novo, terminaron poñendo o 7-2 definitivo e dando o noveno trofeo de campioas para a selección española de hóckey patíns.
A Selección Española terminou a súa participación no Europeo cun balance de 48 goles a favor e só 3 en contra, segundo informa a RFEP.
Ver esta publicación en Instagram
