A capitá do Mecalia Atlético Guardés , María Sancha, valorou diante o equipo de prensa da Federación o resultado do sorteo celebrado este mediodía en San Sebastián. Sobre a preparación do equipo para o reto copeiro, a palentina opinou que “estamos a facer unha boa tempada, como se ve na clasificación”, pero destacando que “para min esta é unha competición totalmente diferente, é o torneo do K.O. e a un partido, son 60 minutos e é un 50-50 de posibilidades, ninguén sabe o que pode pasar”.
O ano pasado, foi o equipo navarro o que deu a sorpresa, e nesta nova cita María Sancha indicou que “nós daremos todo o que estea da nosa parte para gañar”.
María Sancha: “O Beti-Onak ten un equipazo”
“A verdade é que estaba a mirar o bombo e non quería que me tocase ningún”, chanceou a capitá miñota sobre o resultado do sorteo. En canto ao Replasa Beti-Onak, Sancha lembrou que a de ano pasado “foi unha derrota moi dura para o equipo”, e afirmou que ten “unha espinita” desde entón.
A primeira liña María Sancha encomiou, por último, o papel que este rival, o Beti-Onak , vén realizando ultimamente, destacando que “teñen un equipazo e preparan os partidos de forma incrible”, e esperando á resolución do seu partido aprazado para ver “como estaremos” e en que momento chegarán ambos de maneira máis próxima á Copa.
O Guardés repetirá contra o Beti-Onak en cuartos de final da Copa da Raíña 2026
Ana Seabra: “O Beti é un equipo que nos custa sempre moito e está a crecer”
