O Dépor ABANCA mantense no alto do grupo norte da Reto Iberdrola cun pleno de vitorias despois de tres xornadas competitivas. Unha das pezas claves no debuxo de Miguel Llorente é María Ruiz, quen esta destacando na súa posición como dianteira.
Despois dos seus primeiros meses vestindo a camiseta branquiazul, a xogadora asegura que “o ambiente é moi positivo. Traballamos para conseguir os tres puntos partido a partido e así vai ser. O equipo está moi contento, somos unha familia e imos a por todas”.
No plano individual, María Ruiz afirma que o seu balance é “moi positivo. Desde a miña chegada o club comportouse conmigo de moi boas maneiras e é un gran club. Aposta moito pola sección feminina e vése reflexado”.
A malagueña foi a autora do gol da vitoria ante o Sporting de Gijón na derradeira xornada, dándolle os tres puntos ao Dépor ABANCA. Sobre este tanto a balón parado, a andaluza dixo estar “moi contenta. Menos mal que chegou ese gol no último minuto”.
Porén, destacou a importancia do traballo en equipo e que, malia ser a autora do tanto, “ese gol é de todas. Antes de que golpee el balón había unha xogada previa de todas, así que moi contenta polo gol e sobre todo polos tres puntos”.
Partido a partido, a filosofía de María Ruiz
No vindeiro partido, o rival do Dépor ABANCA será o Osasuna, un equipo que tampouco coñece a derrota. Sobre esta xornada, María Ruiz afirma tranquila que “a afrontamos como todos os partidos. Sabemos que Osasuna é un rival complicado como todos os equipos desta categoría. Ao final esta liga é moi difícil e xa se viu o partido pasado. Nós imos xogar como sabemos. Desfrutando e conseguindo os tres puntos que é o que queremos”.
A Reto Iberdrola é unha categoría complicada, na que cada partido é un duelo. No vestiario deportivista son conscientes desta situación, tal e como explica a propia dianteira: “Son moitos partidos, sabemos que esta liga é moi complicada e haberá moitas sorpresas. Nós temos que ter os pés no solo e mirarnos a nós mesmas e ir partido a partido”.
Un dos aspectos nos que se ven melloras neste Dépor ABANCA é no balón parado. A propia María Ruiz anotou xa dous goles neste tipo de xogadas en tres xornadas de liga, pero a futbolista asegura que “ao final somos unhas xogadoras que temos calidade de sobra para as accións a balón parado e iso ao final hai que traballalo tamén. Temos xogadoras que saben facelo e o practicamos e se leva a cabo nos partidos”.
María Ruiz: “Ao final o equipo está moi unido e importantes somos todas”
A malagueña está a ser unha das xogadoras clave nos ataques coruñeses, pero ela prefire falar en plural. “Todo o plantel somos partícipes de todo, somos unha familia. Xogo para desfrutar e divertirme e estou disposta a que o míster conte conmigo en calquera posición. Ao final o equipo está moi unido e importantes somos todas”.
