As xogadoras do Deportivo ABANCA Teresa Abelleira, María Méndez, Kika, Gaby e Michelle Romero están concentradas coas súas respectivas seleccións nacionais. Tere a María co combinado español e Kika, Gaby e Michelle con Venezuela.
Triunfo de España sub-20 ante Rusia, con María Méndez no once
Teresa Abelleira e María Méndez iniciaron o pasado mércores 4 de marzo coa Selección Española sub-20 unha serie de partidos amigables, ademais dun torneo ‘3 en 1’ en categoría sub-19. Todos eles son na localidade murciana de San Pedro del Pinatar.
España impúxose o pasado venres (1-0) no segundo partido ante Rusia, no Pinatar Area Football Center e devolveulle o resultado do pasado mércores. A asturiana María Méndez xogou todo o partido, ao revés que Teresa Abelleira, hoxe sen minutos. O choque decidiuno a favor das españolas un tanto de Nerea Nevado no minuto 15.
No primeiro dos partidos, celebrado o pasado mércores, foi Tere a que saíu de inicio para ser relevada no minuto 63 por Silvia Rubio. María Méndez substituíu no descanso a Nerea Eizaguirre. Gañou Rusia (0-1), que anotou de penalti ao cuarto de hora de partido.
Este domingo, España sub-19 afronta un torneo baixo a modalidade de ‘3 en 1’, con Escocia e Bélxica como rivais. O calendario de partidos, cos resultados dos xa xogados, é o seguinte:
Selección Sub-20
Mércores 4 de marzo
ESPAÑA 0 – RUSIA 1
Venres 6 de marzo
ESPAÑA 1 – RUSIA 0
Selección Sub-19
Domingo 8 de marzo
Torneo 3 en 1
11:00: ESPAÑA – ESCOCIA
19:00: ESPAÑA – BÉLXICA
Kika, Gaby e Michelle Romero foron titulares onte coa vinotinto
A Federación Venezolana anulou a concentración que a selección feminina tiña prevista en Turquía.
Así pois, as deportivistas Kika, Gaby e Michelle Romero, xunto ao resto do equipo, permanecen concentradas en Italia, no Hotel Mancini Park de Roma, ao mando da Directora Técnica Pamela Conti.
As 3 xogadoras branquiazuis foron titulares nun encontro que acabou con triunfo da ‘Vinotinto por 2-0 ante o Napoli o pasado xoves 5 de marzo. As venezolas venceron grazas a dos goles de dúas futbolistas que compiten na Primeira Iberdrola: Deyna Casteláns e Oriana Altuve.
Michelle Romero e Kika xogaron todo o partido mentres que Gaby foi relevada por Yusmery Ascanio no minuto 63.
