O traballo ben feito moitas veces ten premio. É o caso de María Méndez, xogadora do Deportivo ABANCA. A futbolista asturiana foi citada para uns adestramentos coa Selección Española sub-19, que terán lugar na Cidade do Fútbol de Las Rozas (Madrid), do luns 20 ao mércores 22 de xaneiro.
Así pois, a defensa central do equipo revelación da Primeira Iberdrola segundo a páxina web oficial de LaLiga, incorporarase á concentración do equipo nacional tras o choque ligueiro deste domingo 19 de xaneiro do Dépor en Abegondo (18:30 horas) ante o Real Betis.
