María Méndez falou este mediodía en rolda no ABANCA-RIAZOR sobre o sorteo de Copa da Raíña desta mañá. A zagueira tamén quixo destacar o gran ambiente do partido histórico vivido en Riazor o pasado martes. Sobre o FC Barcelona, rival do Deportivo ABANCA en cuartos de final da Copa da Raíña, a ovetense dixo que o conxunto blaugrana “é o mellor equipo da Liga, o rival favorito. Nós temos que ir alí a Barcelona coa máxima ilusión posible, con moitísima ambición e tirar cara a adiante”.
María Méndez, xogadora do Dépor: “O Barça é o mellor equipo da liga, o rival favorito. Nós temos que ir alí a Barcelona coa máxima ilusión posible, con moitísima ambición e tirar cara a adiante”.
A defensora branquiazul insiste en que a pesar do potencial do conxunto catalán, “non temos que virnos abaixo porque sexa o Barça. Pasamos a primeira eliminatoria, temos que seguir cara a adiante”.
Subliña que en fútbol “imposible non hai nada, e máis sendo a partido único. Imos con moitísima ilusión. Nunca sabes o que vai pasar nun partido de 90 minutos. Tirar cara a adiante e con moitísima ambición o equipo pódeo sacar”.
María Méndez, xogadora do Dépor: “Imposible non hai nada, e máis sendo a partido único. Imos con moitísima ilusión. Nunca sabes o que vai pasar nun partido de 90 minutos. Tirar cara a adiante e con moitísima ambición o equipo pódeo sacar”.
Iso si, é consciente de que “ningún equipo da liga quería ao FC Barcelona. Ao final se che toca non podes facer nada. Temos que traballar máis que nunca para poder chegar alí e competirlles de ti a ti. Todas pensamos que é o rival que máis che vai a custar pero temos que pensar que é a partido único, que todos os días non se pode gañar e igual teñen un partido malo e nós moi bo”, engade.
María Méndez, xogadora do Dépor: “Ningún equipo da liga quería ao FC Barcelona. Ao final se che toca non podes facer nada. Temos que traballar máis que nunca para poder chegar alí e competirlles de ti a ti”.
Eloxiou tamén o ambiente que houbo en ABANCA-RIAZOR nos oitavos de final ante o Valencia CF Feminino: “Foi impresionante a verdade. Todas temos que agradecerlle a todos os deportivistas que se achegaron ao estadio e apoiaron. Vivilo desde dentro foi impresionante e máis cun 7-2, o equipo fixo un traballo enorme e estamos súper contentas”.
María Méndez, xogadora do Dépor: a. Todas temos que agradecerlle a todos os deportivistas que se achegaron ao estadio e apoiaron”.
Finalmente, María Méndez pide agora centrarse na Liga, este domingo 16 de febreiro na Ciudad Deportiva do Rayo Vallecano (18:30 horas): “Hai que saber distinguir o momento Copa e o momento Liga. Agora temos que pensar xa no partido do domingo”.
