María Méndez, zaguera do Deportivo ABANCA foi citada para uns adestramentos coa Selección Española sub-19, que terán lugar na Cidade do Fútbol de Las Rozas (Madrid), desde hoxe luns 20 ao mércores 22 de xaneiro.
Así pois, a defensa central do equipo revelación da Primeira Iberdrola segundo a LaLiga, incorporarase á concentración do equipo nacional tras ser titular no choque ligueiro de onte domingo 19 de xaneiro na vitoria das deportivistas por 3-1 ante o Betis. Tres puntos que certificaron a salvación matemática do equipo que prepara Manu Sánchez.
Coa mente posta no Granadilla
As branquiazuis comezan mañá martes 21 de xaneiro a preparar a visita ao VDE Granadilla Tenerife Egatesa, correspondente á 18ª xornada na Primeira Iberdrola e previsto para o domingo 26 de xaneiro (18:30 hora peninsular, 17:30 hora local, Gol).
O técnico galego, Manu Sánchez, terá cinco sesións de adestramento, a última, o sábado 25 pola tarde en Santa Cruz de Tenerife.
A planificación semanal, sempre susceptible de sufrir variación por razóns técnicas, é a seguinte:
Martes 21 de xaneiro
17:00: Adestramento en Abegondo
Mércores 22 de xaneiro
17:00: Adestramento en Abegondo
Xoves 23 de xaneiro
17:00: Adestramento en Abegondo
Venres 24 de xaneiro
17:00: Adestramento en Abegondo
Sábado 25 de xaneiro
18:30 (hora peninsular, 17:30 hora local): Adestramento en Santa Cruz de Tenerife
Domingo 26 de xaneiro
18:30 (hora peninsular, 17:30 hora local): VDE Granadilla Tenerife Egatesa – Deportivo ABANCA, no campo da Palmeira (San Isidro).
