Non puido ser. A galega María Mariño loitou nesta fin de semana en Madrid por un posto nos Xogos Olímpicos de Toquio 2021, pero se quedará ás portas da competición internacional. A tiradora do Esgrima Vigo Olivo tivo a clasificación olímpica a tres tocados, pero finalmente caeu na final do Preolímpico ante a polaca Martyna Jelinska, nun axustado 9-12.
Este era o terceiro Preolímpico ao que acudía a deportista, pero tampouco no 2021 houbo sorte. A tiradora galega venceu todos os duelos de grupo, pasando de fase en fase nas roldas eliminatorias ata chegar á final, superando en semis á serbia Marika Kovacevic, por un 15-4. Incluso no último encontro, o nivel estivo moi alto, pero tres tocados decidiron a praza europea para Toquio. Porén, este foi o clasificatorio para os Xogos Olímpicos no que Mariño acadou unha mellor posición.
¡ENHORABUENA, MARÍA! 👏 👏
Eres ejemplo de superación y esfuerzo, se ha visto reflejado en cada asalto, desde el principio hasta el último. 🎖
¡ESPAÑA ESTÁ AMUY ORGULLOSA DE TI! 🤺
¡Estamos seguros de que te veremos en París!#RFEE #SpainFencing #esgrima #fencing @MariaMarinho33 pic.twitter.com/bv7SNFcKb8— RFE.Esgrima (@rfeEsgrima) April 25, 2021
