O CB Arxil confía na súa capitá, María Lago, para tela á fronte do equipo un ano máis, e xa van once. Despois de chegar a un acordo coa directiva, a xogadora do Porriño renova por un ano máis coa entidade verde e defenderá a elástica desa cor no curso 2021-22 no que o conxunto de Pontevedra militará na LF2 do baloncesto estatal.
Tras a última tempada María Lago converteuse nunha das xogadoras máis decisivas baixo as ordes da adestradora Maite Méndez. Asinou 190 puntos, 82 rebotes, 51 asistencias e 57 roubos de balón nesta tempada pasada, que lle valeron para alcanzar unha valoración 220 en 19 partidos xa que unha rotura fibrilar apartoulle do tramos final da liga e resutó decisiva no comportamento do equipo, sinalan desde o club.
En media por partido anotou 10, puntos; 4,3 rebotes, 2,7 asistencias e 3 roubos de balón, cunha valoración de 11,6 por partido.
María Lago, 11 anos como verde e 4 como capitá
“Hai 11 anos que cheguei a Pontevedra para estudar e desde o primeiro día, tanto Maite como San, fixeron todo o posible para que me sentise como na casa”, comenta Lago, e que está a desexar volver xogar diante a afección do Club Baloncesto Arxil, prometendo loita e pelexa en cada momento do partido. Esa vinculación tan próxima co equipo fai que María Lago siga levando a camiseta verde de capitá por cuarto ano.
María Lago, xogadora do conxunto pontevedrés: “A tempada pasada foi moi dura para o CB Arxil”
“A tempada pasada foi moi dura para o CB Arxil xa que a miña lesión, a baixa de Bineta que non cumpriu espectativas e a chegada de Sanra non furon revulsivos e que, por diversas razóns, non fomos de chegar a xogar todo o que podemos, tivemos que redobrar esforzos e non chegamos a cumprir o obxectivo desexado”, explica a deportista do Porriño.
