Sevilla acolleu os Campionatos de España de Grappling e Gi, no que as galegas sumaron varios éxitos. Destacaron María José Raja e María Muíños, que conseguiron subir ao podio.
Segundo informa a Fegaloita, a primeira delas, deportista do Sportfight Ferrol, resultou terceira nas competicións de grappling e gi. Pola súa banda, Muíños, do IQ Fight Porriño, tamén se colgou o bronce, neste caso na segunda categoría.
O club ferrolán foi o que máis galegas achegou, con Raja, Laura Montero (sétima en grappling) e Jan Lin Chen (quinta en grappling e novena en na modalidade gi).
Ver esta publicación en Instagram
Tamén acudiron á competición Sara Vieitez, do Arte Suave Vigo, que foi décima en grappling, e Nekane Santiso, do Pretorians A Coruña, undécima en grappling e gi.
Da mesma forma, a árbitra Verónica Pérez logrou o ascenso nacional tras presentarse nesta competición aos respectivos exames.
Ver esta publicación en Instagram
