- Na lista de cinco juniors españois que citou para o Mundial de Ciclocrós o seleccionador Pascual Momparier están as dúas galegas María Filgueiras e Uxía Soto.
O ciclocrós galego contará con dobre representación no Mundial de Ciclocrós 2023 que terá lugar en Hoogerheide. Alí estarán as ciclistas de categoría junior María Filgueiras (XSM) e Uxía Soto (Supermercados Froiz). Ambas as dúas aparecen na convocatoria de once ciclistas (cinco juniors) confeccionada polo seleccionador español Pascual Momparler.
As dúas xuvenís vivirán en Nederland a súa primeira experiencia nun Campionato do Mundo de Ciclocrós. A primeira e a segunda clasificada esta temporada na Copa de España desta modalidade ciclista serás as únicas corredoras de España na proba que inaugura o programa individual.
O resto da lista da Selección Española para o Mundial e Ciclocrós compóñena os juniors Gorka Corres, Hodei Muñoz e Carlos Gámez; na categoría elite Felipe Orts, Kevin Suárez, Lucía González e Sofía Rodríguez; e na Sub-23 Gonzalo Inguanzo e Alain Suárez.
#CiclocrosGalego | María Filgueiras e Uxía Soto entran na lista da Selección Española para o Mundial de Ciclocrós #TeamESPciclismo
🌎🌈 As dúas juniors galegas competirán o sábado 4 de febreiro en Hoogerheide
🔗 https://t.co/EIx8sbo7qb pic.twitter.com/q4GRSaKbgX
— F_Galega de Ciclismo (@F_Gal_Ciclismo) January 27, 2023
Uxía Soto e María Filgueras corren o 4 e febreiro
A miñense María Filgueras e a ponteareá Uxía Soto competirán o sábado 4 de febreiro, ás 11:00 horas, no circuíto neerlandés de Hoogerheide. A carreira Sub-23 masculina comenzará ás 13:00 h e a proba élite femenina fará o propio ás 15:00 h. O domingo será a quenda dos junior, que sairán ás 11:00 h e das féminas Sub-23 (sen participación española), que recibirán o pistoletazo de saída ás 13:00 h; e dos élite masculinos, que pecharán coa súa carrera a partir das 15:00 h esta edición 2023 do Campionato do Mundo de ciclocrós.
A Real Federación Española de Ciclismo (RFEC) explica que as/os ciclocrosistas convocadas/os cumpriron na data designada cos criterios de selección que marcou a dirección técnica como condición para poder acudir a esta edición do Mundial.
