A pasada fin de semana celebrouse en Cádiz o XXXV Campionato Absoluto e Júnior de inverno de Andalucía no que competiu María de Valdés. A nadadora do CN Liceo, natural de Málaga, volveu con grandes resultados.
A nadadora inscribíuse como participante en 800L, 400X, 200L e 1500, acadando o primeiro posto en dúas destas probas. A deportista do CN Liceo superou por 12 segundos á segunda clasificada no 800 metros libres, cun tempo de 8:46.12. Na segunda delas, na 400 estilos, tamén foi campioa cun tempo de 4:54.65, superando a Jessica Vall.
De Valdés, convocada polo nacional de augas abertas
No próximo mes de marzo, concretamente o día 13, no circuito Katara Beach de Qatar celebrarase o Marathon Swin World Series, un torneo internacional do que formará parte a nadadora galega. A atleta do CN Liceo competirá na proba de 10K, convocada polo Equipo Nacional Absoluto de augas abertas.