Durante a fin de semana, Málaga foi o escenario da VI Copa de España da Real Federación Española de Natación, no campionato de Augas Abertas. Nel, a malagueña María de Valdés, nadadora do CN Liceo coruñés, proclamouse campioa sénior na última etapa nos 5.000 metros. Na competición tamén participaron dúas deportistas do CN Galaico, Alicia Bouzas en júnior 1 e Ana Pérez en sénior, e Iria Lemos, do Ponteareas, en infantil. O Galaico foi ademais subcampión por clubs.
Na proba nacional, María de Valdés tivo que loitar ata os últimos metros para facerse co ouro. O duelo ante Paula Ruiz, tamén malagueña, mantivo a emoción nas augas andaluzas ata o final, e a competición decidiuse grazas a un bo cambio da deportista do Liceo, que remataría a carreira nun tempo de 01:03:42.9. Na mesma proba, Ana Pérez García-Picher do CN Galaico resultou sexta, cun tempo de 01:08:18.3.
Pola súa banda, as outras dúas galegas volveron a casa cun bronce cada unha. Alicia Bouzas, do CN Galaico, o fixo en júnior 1, mentres que Iria Lemos, do CN Ponteareas, remataría terceira en infantil.
Copa de Europa LEN
Antes de competir en Málaga, María de Valdés e Paula Otero, do CN Arteixo, competiron na terceira etapa da Copa de Europa LEN de Augas Abertas, como parte do equipo nacional.
Nesta competición, a deportista do Liceo foi a primeira española clasificada, no posto 16, mentres que Otero resultou terceira española, no posto 20.
