Este sábado, 19 de xuño, é unha cita marcada no calendario de María de Valdés. A nadadora do CN Liceo compite na que é a súa última oportunidade de lograr a clasificación para os Xogos Olímpicos, disputando o Preolímpico de augas abertas de Setubal (Portugal).
Porén, a malagueña non é a única española con esta meta. A tamén malagueña Paula Ruíz loitará na mesma proba polo billete a Toquio, pero só unha das dúas nadadoras logrará o pase final. A coruñesa de adopción deberá quedar entre as nove primeiras da proba, ademais de superar á súa compatriota, para obter a súa praza nos Xogos.
Os logros de María de Valdés desde a súa clasificación para o Preolímpico de augas abertas
De Valdés xa acadara a clasificación para o Preolímpico hai máis dun ano, no mes de febreiro do 2020, pero a pandemia obrigou a adiar todos os plans deportivos. Nos últimos meses, a nadadora do Liceo non fixo máis que mellorar os seus números. Entre os logros que obtivo neste último ano atópanse un ouro no Campionato Galego de longa distancia, dous ouros no XXXV Campionato Absoluto e Junior de inverno de Andalucía, foi a española mellor posicionada no FINA Marathon Swin World Series, proclamouse campioa de España en 1.500 m. logrando a mínima olímpica pero non o billete, e todo isto antes de disputar o Europeo e o Preolímpico.
María de Valdés: “Estou na miña mellor forma física e mental”
Nun principio, a nadadora adestrada por Jesús de la Fuente tiña que elixir entre acudir ao seu primeiro Campionato de Europa absoluto de Natación, ou competir pola praza olímpica, pero un cambio de datas e localización da proba clasificatoria para Toquito permitiulle estar en ambas citas. Na primeira delas, María de Valdés participou na final dos 800m. e dos 1.500m. quedando oitava e quinta respectivamente.
Ver esta publicación en Instagram
Agora chega unha das citas máis relevantes da súa axenda, o Preolímpico de Setubal. Na localidade portuguesa, ademais da malagueña Paula Ruíz, a deportista do Liceo deberá superar a rivais do talle de Anna Olasz, Danielle Huskisson, Alice Dearing, Leka Sterbova, Alena Benesova, Spetphanie Horner ou Kate F. Sanderson.
Podes consultar nesta ligazón a lista de nadadoras da proba.
