Está a disputarse en Budapest o Campionato de Europa Absoluto de Natación no que participa a nadadora do C.N. Liceo, María de Valdés Álvarez. O equipo español está conformado por 27 deportistas.
María de Valdés, andaluza afincada na Coruña, despois de renunciar á súa participación na proba de Augas Abertas, tiña hoxe a súa primeira proba en piscina: os 800 libres, segundo informa a FEGAN. A nadadora conseguiu o pase á final ao ser cuarta da súa serie cun tempo de 8:36.92. A súa foi das series máis rápidas, sendo o tempo de María de Valdés mellor, por exemplo, ca o da gañadora da primeira serie fixo os 800 mts nun tempo de 8:56.15. A final será mañá, martes 18 de maio ás 18:00 horas.
💦¡Qué final de carrera ha hecho Jimena Pérez para parar el cronómetro en 8:33:34 y meterse en la final con el tercer mejor tiempo! #Budapest2021
💪¡María de Valdés también estará en la final del 800 libres tras conseguir la octava mejor marca!
🔗https://t.co/wgAVMDSNo2 pic.twitter.com/3KFrwyhvcm
— Teledeporte (@teledeporte) May 17, 2021
Para a nadadora do C.N. Liceo a competición seguirá o xoves que é cando está previsto que nade os 1.500 m libres e o domingo cando participará na quenda dos 400 metros libres.
Neste Campionato tamén están representando ao Comité Galego de Árbitros, Mª Carmen Lestón e Patricio Sánchez, na modalidade de Augas Abertas.
