María de Valdés tiña as marcas para facer parte dos Xogos Olímpicos de París 2024 na proba de Augas Abertas 10k, pero faltaba aínda unha cuestión protocolaria que é que a Real Federación Española de Natación RFEN a incorporase a lista de deportistas olímpicos. E xa foi.
Unha vez disputada a segunda competición clasificatoria (Q2 – Campionato do Mundo Absoluto 2024 / Doha) e de acordo cos criterios de selección, a RFEN fixo pública a lista do equipo pprovisional de nadadoras e nadadores seleccionados para os Xogos Olímpicos de París 2024. Nela está María de Valdés, do CN Liceo, que entra como seleccionada en Augas Abertas.
A competición olímpica de natación en Augas Abertas terá lugar os días 8 e 9 de agosto.
Listado de deportistas seleccionados para os XX.OO. de París 2024 para probas individuais
- DEPORTISTA – ANO – CLUB – PROEBA – RESULTADO Q1-Q2
- María de Valdés Álvarez – 1998 – CN Liceo – 10K – 2ª – Q2
- Carlos Garach Benito – 2004 – CN Churriana – 800 L 07:50,56 – Q2
- Hugo González de Oliveira – 1999 – Real Canoe NC – 200 Ei 01:56,58 – Q1
- Hugo González de Oliveira – 1999 – Real Canoe NC – 100 E 00:52,70 – Q2
- Hugo González de Oliveira – 1999 – Real Canoe NC – 200 E 01:55,30 – Q2
- Ángela Martínez Guillén – 2004 – KZM Swimming Team – 10K – 13ª – Q2
- Mario Molla Yanes – 2002 – CN Terrassa – 100 M – 00:51,48 – Q2
Queda un último chanzo, que é a lista definitiva para os Xogos Olímpicos de París 2024 que se publicará por parte da RFEN unha vez se dispute o último campionato clasificatoria (Q3), campionato de España Absoluto Open Trials París 2024 – P50 que terá lugar en Palma de Mallor do 18 ao 22 de xuño de 2024. Pero esa lista última proba só serviría para incorporar máis deportistas, non para eliminar a María de Valdés da lista de París 2024.
María de Valdés competirá en xuño no Europeo
Ademais, os deportistas incluidos neste equipoo provisional van ser “considerados para participar no Campionato de Europa Absoluto – Natación (p50) / Aguas Abiertas (Belgrado, 10 ao 23 de xuño de 2024), como parte da súa preparación para os XX.OO. de París 2024 e co objetivo de conseguir o seu mellor rendemento na cita olímpica”, explica a RFEN.
