Cunha cuarta posición nos 1.500m libre, a nadadora María de Valdés meteuse na final desta proba do Campionato de Europa de Budapest, que se disputará este mesmo venres, 21 de maio, ás 18:00 horas.
A malagueña, nadadora do CN Liceo, obtivo unha nova marca persoal, parando o cronómetro nos 16:16.21, dous segundos menos que o tempo que fixera no Open de Sabadell, o pasado mes de marzo.
De Valdés non será a única española nesta final. Jimena Pérez tamén competirá polo metal, ao acceder á proba final desde a oitava posición, cun tempo de 16:22.37.
Na semifinal, a andaluza afincada na Coruña competiu na terceira serie e só quedou por detrás da italiana Simona Quaradella, a húngara Viktoria Mihalyvari e a portuguesa Tamila Holub, quedando a primeira delas desmarcada do resto, cun tempo de 16:05.60. Entre o segundo e o cuarto posto, o da nadadora do Liceo, só houbo dous segundos de diferenza. Coa súa marca, a nadadora do club coruñés parte co cuarto mellor tempo de todas as clasificadas.
María de Valdés trunfa no seu primeiro Europeo
Ademais do pase á final dos 1500m, a andaluza obtivo tamén a clasificación na final dos 800m. Nela, rematou na oitava posición batendo a súa mellor marca persoal, cun tempo de 8:33.90.
María de Valdés remata 8ª o Europeo de natación nos 800 m libres
