O Campionato de España Junior e Absoluto Open foi un éxito para a natación galega. Especialmente para María de Valdés, do CN Liceo, campioa en 1500 m. libre absoluto e subcampioa en 800 m. libre absoluto. A nadora do CN Liceo logra coa a súa marca a mínima olímpica, pero aínda non está clasificada para os Xogos Olímpicos de Toquio 2021.
Entre as outras 13 nadadoras galegas que acudiron á competición, destacou Paula Otero, do CN Arteixo, que acadou dous ouros, unha prata e un bronce en absoluto e outras tres medallas en junior, ademais do récord junior e tres mínimas para o europeo da mesma categoría. Pola súa banda, a nadadora Ana Cernadas, do Fluvial de Lugo, sumou ao éxito galego un novo récord autonómico en 100 m. costas junior.
Mínima de Paula Otero para ir ao Europeo Júnior
A primeira xornada competitiva comezou con grandes resultados para as nadadoras galegas. A propia María de Valdés sumou a súa primeira medalla neste día, quedando segunda nos 800 m. libre en categoría absoluta. A súa marca foi 8:38.88.
Pola súa banda, Paula Otero, do CN Arteixo, competiu en 800 m. libre nas categorías junior e absoluto, acadando o ouro na primeira e o bronce na segunda. O seu tempo de 8:40.38 supón a mínima para o Campionato de Europa Júnior, que terá lugar en Roma do 6 ao 11 de xullo. A nadadora do club coruñés bateu ademais o récord do campionato junior. Nesta xornada, Paula Otero tamén competiu en 100 m. libre, logrando a clasificación no sexto posto júnior, con 58.51.
As medallas da primeira xornada rematan con Ana Cernadas, do Fluvial de Lugo, que quedou terciera nos 100 m. costas junior, cun tempo de 1:03.99 establecendo un novo Récord Galego.
Tamén competiron Carla Carrón, do CN Arzúa, quedadno cuarta en 100 m. libre junior e Rosalía Marín, do CN Coruña, oitava en 100 m. costas.
María de Valdés, campioa e con sitio no Europeo Absoluto
No segundo día de competición chegou o maior trunfo para a expedición galego. María de Valdés proclamouse campioa de España absoluta en 1.500 m. libre cunha marca de 16:18.37. Este tempo dálle o ouro e permítelle clasificarse para o Campionato de Europa Absoluto de Budapest do 17 ao 23 de maio. Este torneo engádese á súa axenda, onde tamén está apuntado o Campionato Europeo Absoluto de Augas Abertas.
A nadadora do CN Arteixo, Paula Otero, obtivo unha prata en 1500 m. libre e un cuarto posto na mesma proba pero en categoría absoluta. A súa marca de 16:45.64 é a súa segunda mínima para o Campionato de Europa Júnior.
No listado de nadadoras galegas que quedaron finalistas na segunda xornada entran Ana Cernadas, do club lucense, cun cuarto posto en 200 costas júnior cun un tempo de 2:17.47, establecendo unha nova Mellor Marca Galega de 17 anos. Tamén está Rosalía Marín, quedando sexta en 200 costas júnior con 2:19.40, e Alicia Bouzas, do CN Galaico, quen foi oitava en 1500 libre júnior con 17:33.31 e décima en 200 costas con 2:26.17.
Ouro para Paula Otero en 200m libres júnior
O terceiro día tivo a Paula Otero como protagonista, cun ouro en júnior en 200 libre cun tempo de 2:03.01 e quedando sétima na clasificación absoluta.
Pola súa parte, Ana Cernadas foi cuarta en 200 libre júnior con 2:03.48, Carla Carrón quinta en 200 libre júnior con 2:04.07 e Julia Rodríguez, do RCN Vigo, foi sétima júnior en 100 bolboreta con 1:04.06.
María de Valdés quedou na oitava praza en 400 estilos absoluta cun mellor tempo de 4:52.02 en eliminatorias e Alicia Bouzas foi sexta en 400 estilos júnior con un mellor tempo de 5:04.53 en eliminatorias.
Cuarta e última xornada da competición
O campionato rematou coa cuarta xornada, na que os mellores resultados foron para Julia Rodríguez, quedando quinta en 200 bolboreta júnior con 2:19.94; Ana Cernadas, quinta en 50 libre júnior con 27.19 e Alba Gómez, do C.N. Arteixo, foi sexta na final B de 200 estilos absoluto con 2-.24.69.
Podes consultar nesta ligazón o listado completo de resultados.
