María de Valdés segue dando pasos de xigante cara os Xogos Olímpicos, con grandes resultados en cada torneo no que compite. O último foi o Marathon Swim World Series 2021 de augas abertas, disputado en Doha (Qatar), no que, quedando undécima, foi a española mellor clasificada na carreira de 10km.
A nadadora do CN Liceo quedou a só sete segundos da vencedora, a brasileira campioa do mundo Ana Marcela Cunha, que fixo un tempo de dúas horas, un minuto e 30,3 segundos. Algo por debaixo de de Valdés clasificouse a tamén española Paula Bravo, 13ª quedando 8,50 segundos por debaixo da campioa.
Podes consultar o listado completo de resultados nesta ligazón.
Este campionato foi o reencontro da nadadora con esta especialidade desde o pasado verán. As últimas ocasións nas que participou en augas abertas foron na Copa do Mundo de Madeira e no Campionato de Italia.
Un paso máis preto dos Xogos Olímpicos
Co resultado obtido nesta proba, María de Valdés logra a clasificación directa para disputar os 10km nos Campionatos de Europa, que se celebrarán en maio en Budapest. Ademais, refrenda así a súa praza cara o Preolímpico de finais de maio que terá lugar en Xapón, onde se xoga un posto nos Xogos.
En liñas xerais, esta foi unha gran actuación da andaluza, que competiu ante rivais xa clasificadas para os Xogos Olímpicos e outras que loitan no preolímpico.
De Valdés ten a mirada xa posta na seguinte proba
E case sen tempo para celebracións, María de Valdés pon a vista xa na seguinte competición: o Campionato Open de España.
A apretada axenda da andaluza establecida en A Coruña, inclúe este torneo do 24 ao 28 de marzo. Nel, a nadadora participará en 400, 800 e 1.500 libres e 400 estilos.
Neste Open María de Valdés ten outra oportunidade de clasificarse para os Xogos. A malagueña xa acadara a mínima olímpica nos 1.500, pero este ano as prazas limítanse a dous por país e por proba, e unha delas xa pertence a Mireia Belmonte. Así, a deportista do Liceo competirá con Jimena Pérez polo outro posto.
Ver esta publicación en Instagram
