A nadadora andaluza afincada na Coruña, María de Valdés, rematou o seu concurso nos 800 m libre do Campionato de Europa Absoluto de Natación 2021 en oitava posicion, segundo informa a Federación Galega de Natación.
A deportista do C.N. Liceo coruñés accedía á final da modalidade na que hoxe acadou a oitava posición. María de Valdés Álvarez cubriu os 800 m libres nun tempo de 8:33.90, a súa mellor marca. Na rolda de clasificacion a nadadora fixera un tempo de 8:36.92. A competición continental estase a disputar en Budapest.
Nos vindeiros días María de Valdés vai afrontar tamén os 400m libres e os 1.500m libres.
Na sétima posición, xusto por diante de María rematou a tamén española Jiména Pérez. Ambas as dúas era destacadas na crónica da proba por parte da Real Federación Española de Natación que asina Rodrigo Gil-Sabio, enviado especial a Bucarest.
Tal e como salienta a RFEN, María de Valdés “é unha nadadora multiusos que está no Europeo nadando unha rapidísima final continental de 800m e á vez está a preparar o 10km de augas abertas en Setúbal, preolímpico en xuño”. Na súa crónica Rodrigo Gil-Sabio lamenta que “so haxa unha praza española” xa que sería bo ber a María de Valdes e Paula Ruiz nos Xogos Olímpicos de Toquio 2021.
María de Valdes: “Estoy contenta este ano cos tempos de piscina e augas abertas”
A nadadora do Club Natación Liceo declaraba á RFEN que estaba “moi contenta por ter entrado nesta final. É a primeira vez que nado un Europeo absoluto e fixen, ademais, a miña mellor marca. Estoy contenta este ano cos meus tempos de piscina e de augas abertas. Ao final trátase de mellorar e de rematar ben a tempada”.
Jimena fixera unha grandísima eliminatoria (coa terceira marca). A nadadora declaraba á federación que “non agardaba que lle saíse así” a final. “É un pouco amarga a sensación. Non souben dar o paso de máis, pero iso pódeme axudar de cara a Toquio. Estamos nun momento de adestramento e de probármonos, e tampouco estou moi disgustada por iso. Pero agora toca apreder dos erros e enfocar o 1.500m que me queda do mellor xeito posible”, manifestaba Jimena Pérez.
