No fin de semana do 18 e 19 de abril Portugal converteuse no escenario que acolleu ás mellores judokas, co campionato Europeo de Lisboa en categoría sénior. Nel participaron María Bernabeu, viguesa de adopción, Sara Álvarez e Estrella López, con distintos resultados. A primeira resultou sétima clasificada en -70 kg e a segunda caeu eliminada no primeiro combate de +78 kg.
María Bernabeu tivo o seu primeiro combate na segunda rolda, enfrontandose á ucraína Lytvynenko, á que venceu para obter o pase a cuartos. Xa en cuartos, á súa rival foi a frances Pinot, superior á española e que obrigou a Bernabeu a competir na respesca. Nesta, a contrincante foi a portuguesa Timo, que gañou o combate. Finalmente, a judoka galega rematou sétima, empatada coa eslovena Pogacnik.
Revive aquí o último combate de Bernabeu:
Pola súa parte, Sara Álvarez só puido competir nun combate no Europeo de Lisboa, no que caeu derrotada. A loita, correspondente á segunda rolda, enfrontou á galega coa lituana Jablonskyte, que venceu para pasar á seguinte fase.
Revive aquí o combate de Sara Álvarez:
Tamén competiu a galega Estrella López. A judoka formou parte da categoría -52 kg, primeiro ante a holandesa Van Krevel, gañando o combate. Na segunda rolda, López caeu derrotada ante a israelí Primo, polo que non puido pasar á seguinte fase.
Este foi o último combate da galega Estrella López:
Consulta nesta ligazón toda a información do Europeo de Lisboa.
