O triunfo na media maratón Coruña 21 foi nesta edición de 2024 para os corredores Pablo Sánchez Crego e María Azucena Díaz Calvo.
A carreira chegaba á súa 16ª edición e disputouse esta mañá nas rúas da cidade da Coruña, coa participación de máis de 2.500 persoas, entre a Coruña 21 (C21) e a 5K.
A alcaldesa da Coruña, Inés Rey, presidiu a entrega de medallas, acompañada polo concelleiro de Deportes, Manuel Vázquez, quen tamén deu a saída.
María Azucena Díaz, gaña a Coruña 21 de 2024
Na categoría feminina, María Azucena Díaz detivo o crono cun tempo de 1:19.34. A segunda mellor clasificada foi Sonia Abad, cun tempo de 1:25.01, mentres que María Jesús Conde quedou terceira cun tempo de 1:25.26.
Na categoría masculina, o mellor tempo, marcado por Pablo Sánchez Crespo, foi de 1:05.11. Acompañárono no podio final Workneh Fikre como segundo clasificado cun tempo de 1:05.14 e Eric Nzambimana como terceiro cun tempo de 1:05.15.
A media maraton Coruña 21 busca afianzarse como unha das mellores probas desta distancia en España, contando coa presenza dos mellores atletas, como é o caso de Tariku Novales, récord e actual campión de España de maratón.
A proba leva tres anos consecutivos aumentando o número de inscritos. A alcaldesa da Coruña, Inés Rey, quixo agradecer o esforzo do persoal municipal e demais integrantes da organización que traballaron contra o reloxo para que a proba puidese disputarse debido ás malas condicións meteorolóxicas. Tamén quixo agradecer a colaboración do Sporting Club Casino, que habilitou as súas instalacións para albergar os servizos de ropeiro, recollida de dorsais e fisioterapia.
🙌 A piques de comezar a C21, os e as atletas recollen os seus dorsais nas instalacións do Sporting Club Casino.
💥 Últimos minutos antes do pistoletazo de saída da media maratón máis esperada.
👀 Podes seguila en directo aquí ➡️ https://t.co/kSw1NQeFjI pic.twitter.com/52zqZjbtnz
— A Coruña Deportes (@coruna_deportes) February 25, 2024
A media maratón mantivo o percorrido das dúas últimas edicións. As persoas participantes comezaron e concluíron a Coruña 21 no Obelisco. A primeira parte trancorreu por Ramón y Cajal, Salvador de Madariaga e o porto coruñés. Na segunda, os atletas percorreron as praias de Riazor, Orzán e Matadoiro polo paseo marítimo e atravesaron a rúa San Andrés para ir ata Porta Real e, desde alí, chegar á meta.
Por outra banda, o Concello da Coruña volveu apostar nesta edición polo desenvolvemento en paralelo dunha proba de 5 quilómetros que lle permitiu ás persoas participantes gozar do ambiente do medio maratón e aclimatarse á distancia habitual do circuíto de carreiras populares Coruña Corre, que comeza o próximo mes de marzo. Na categoría masculina, os tres primeiros clasificados foron Pablo Bocelo (15.52), Yago Ignacio García (16.01) e Víctor Alonso (16.08). Na categoría feminina, as mellores foron Irati Lorza (19.06), Tania López (19.46) e Yolanda Gutiérrez (20.01).
🙌 A piques de comezar a C21, os e as atletas recollen os seus dorsais nas instalacións do Sporting Club Casino.
💥 Últimos minutos antes do pistoletazo de saída da media maratón máis esperada.
👀 Podes seguila en directo aquí ➡️ https://t.co/kSw1NQeFjI pic.twitter.com/52zqZjbtnz
— A Coruña Deportes (@coruna_deportes) February 25, 2024
