Día da muller e final da Copa da Raíña de baloncesto. Non tivemos representación a nivel equipo na final pero sí que estaba sobre a pintura unha galega, María Araújo. A viguesa xunto ao Spar Citylift Girona disputan o úlitmo partido do torneo ante o Perfumerías Avenida.
Foi o encargado de arrebatarlle o soño ao Durán Maquinaria Ensino nos cuartos de final. A ex do Celta e o Baxi Ferrol saltou á pintura de titular e xogou 27 minutos. As catalás perderon por un 76 a 58 ante as imparables salmantinas que acadaron a súa cuarta copa consecutiva.
Coincidindo co gallo do 8 de marzo, na final celebrada en Salamanca acolleuse o recoñecemento especial no que se uniu o pasado, o presente e o futuro do baloncesto feminino español. A protagonista tiña nome propio: María Planas. A única seleccionadora da historia da Selección e adestradora con máis títulos no seu palmarés.
María Araújo saltaba a pintura no cinco inicial
Cos mellores condicionantes para xogar ao baloncesto, o Spar Citylift Girona comezou con intensidade para colocarse 0-4 con canastras de Mendy e Elonu. Ortega colocaba a Maite Cazorla defendendo a Laia Palau e con Tiffany Hayes inspirada conseguiu un parcial de 9-0 para provocar o primeiro tempo morto de Eric Suris.
O partido era intenso, con dous equipos que se coñecen perfectamente e que se respectan. Vasic tomou as responsabilidades ofensivas para achegar o marcador, pero Silvia Domínguez collía a substitución dunha Hayes que deu o susto cun golpe na cella e unha visible inflamación. O primeiro cuarto acababa cun 22-17 e moita intensidade no parqué.
Os dous equipos xogáronse os últimos títulos nacionais do baloncesto español, e a rivalidade é enorme. Cada xogada era unha batalla táctica e física para saír do bloqueo, coller o rebote, ou gañar unha posición de tiro. Os dous equipos tiraban de profundidade de banco para a aparición de xogadoras da segunda onda.
Palau saía en escena con algunhas xogadas de moito mérito, pero a parella eléctrica Hayes- Loyd poñían o 33-27 para manter en vantaxe ás charras, que se atopaban máis cómodas que os seus rivais nun partido de alta tensión. Un triplo sobre a bucina de Andrea Vilaró poñía o 43-33 antes de visitar os vestiarios.
Tralo tempo de lecer, o Perfumerías consolidou a vitoria ante María Araújo e o seu equipo
Na mente das xogadoras do Avenida atopábanse as cinco últimas derrotas ante as catalás: a final de Liga Feminina Endesa da tempada pasada, a Supercopa que abría esta, e os dous partidos de Liga Regular. Era o momento e querían aproveitalo. Un parcial de 9-2 no inicio do terceiro cuarto levantou ao público, provocou os primeiros sorrisos nas caras das xogadoras salmantinas e precipitou o tempo morto de Eric Suris.
A intensidade era maior no bando azul, arroupado por unha afección que demostra cada semana a súa paixón polo baloncesto feminino. Un triplo de Hayes poñía os 20 puntos de diferenza (57-37) e rompía contra todo prognóstico o encontro. O orgullo conseguiu reducir distancias e terminar o cuarto 60-45.
O partido estaba decidido e así o sabían as dúas afeccións. A profesionalidade do Spar Citylift Girona está fóra de toda dúbida, pero a pesar dos seus dous títulos de Liga e as súas dúas Supercopas, queda sen estrear a súa palmarés na Copa da Raíña. E disputaron os últimos minutos buscando un imposible e deixando a mellor imaxe posible.
FICHA TÉCNICA
PERFUMERÍAS AVENIDA: María Teresa Cazorla, Silvia Domínguez, Tiffany Hayes, Temitope Fagbenle, Emese Hof —quinteto inicial—, Karlie Samuelson, Kristine Vitola, Jewell Loyd, Laura Gil e Andrea Vilaro.
SPAR CITYLIFT GIRONA: María Araújo, Adaora Elonu, Laia Palau, Magali Mendi, Naignouma Coulibaly —quinteto inicial—, Nuria Martínez, Sonja Vasic, Kate Bishop e Marta Xargay.
PARCIAIS: 22-17/ 21-16/ 17-12/ 16-13 (76-58)
ÁRBITROS: Carlos Javier García León, Paula Lema Parga e Fabio Fernández Esteban.
