A xogadora galega María Araújo perderase o que resta de tempada. A baloncestista do SPAR Girona mancouse nunha sesión de adestramento matinal no seu xeonllo e os servizos médicos do club catalán confirman que se trata dunha lesión grave, afectando a múltiples estruturas.
A viguesa estaba a realizar unha gran tempada na LF Endesa, na que acumulou un total de 461 créditos de valoración e 298 puntos anotados na primeira fase. Araújo tamén formou parte do conxunto gañador da Copa da Raíña, e é candidata ao MVP da EuroLeague.
Agora estaba a disputar o play off co SPAR Girona e coa vista posta no verán, coa intención de entrar na convocatoria da Selección Española para acudir ao Eurobasket e aos Xogos Olímpicos de Toquio.
María Araújo recibe o apoio de todo o mundo do baloncesto
Coa noticia da súa lesión, clubs e personalidades do baloncesto. A propia FEB dexeoulle a Araújo nun tuit unha pronta recuperación, como tamén fixeron equipos como o Perfumerías Avenida, o Valencia Basket, o Quesos El Pastor ou o Cadí La Seu.
No ámbito galego, o Celta Zorka Recalvi expresou o seu apoio á viguesa desde a conta do club, destacando o seu prometedor futuro, e tamén o fixo a adestradora celeste Cristina Cantero.
Mucho ánimo para @Maria_Araujo8 y nuestros mejores deseos en su recuperación.
El futuro sigue siendo tuyo!!#unhadasnosas💙 https://t.co/CKNCgN1tMk— CELTA BALONCESTO 💙 (@Celtabaloncesto) March 30, 2021
O BAXI Ferrol, o seu exequipo, sumouse ás mensaxes de apoio.
😢 Muchísimo ánimo @Maria_Araujo8. Toda nuestra fuerza está contigo. https://t.co/kuKIdPf8Gt
— Baxi Ferrol (@UniFerrol) March 30, 2021
