A viguesa María Araújo, xogadora do SPAR Girona, foi intervida da súa lesión de xeonllo dereito. A baloncestista galega está a recuperarse despois da intervención, que foi un éxito.
Nunha sesión de traballo, a xogadora do club catalán mancouse no seu xeonllo, afectando tamén ao ligamento cruzado anterior (LCA) e o menisco interno. Esta lesión apartouna da competición, perdéndose o fin da tempada e previsiblemente será baixa coa Selección Española nos Xogos Olímpicos.
A alero recibe desde hai días mensaxes de apoio nas redes sociais. Unha das últimas foi a do BAXI Ferrol, o seu ex equipo co que militou entre o 2015 e o 2018.
Pues ya no queda casi nada.
Vamos @Maria_Araujo8, ánimo, paciencia y una sonrisa. Mucha fuerza!
— Baxi Ferrol (@UniFerrol) April 21, 2021
Araújo estará presente en O Marisquiño
Co período de reposo xa iniciado, a alero apura a súa recuperación para volver ás pistas. Este verán, a viguesa será a embaixadora do Basket 3×3 feminino de O Marisquiño, que terá lugar en Vigo do 6 ao 8 de agosto.
Con muchas ganas de estar allí y disfrutar del @FIBA3x3 en mi ciudad y del ambientazo que crea @omarisquino ⭐️⭐️🚀🚀 https://t.co/Tbk7nU2UP5
— María Araújo (@Maria_Araujo8) April 15, 2021
