A xogadora de Burela, Margarita Moreira, cumprirá a súa cuarta tempada en Liga Feminina 2. A galega declarou que é “unha xogadora de club” e manifestou estar “moi a gusto no CB Arxil. Son a mesma, que cando cheguei hai tres tempadas pero con ambición de seguir crecendo”.
Din desde o CB Arxil que é unha xogadora “humilde e comprometida. Un exemplo a seguir para todas as nenas do club. Así é Margarita Moreira, que seguirá sumando con CB Arxil partidos nunha tempada que se pode converter en centenaria de LF2 se sumamos a tempada en Ensino de Lugo.
Así son os números de Margarita Moreira
Co seu traballo e calidade fíxose un oco no Arxil Mafari Café en Primeira Autonómica,así como na Liga Feminina 2 onde cada tempada foi crecendo, xogando máis minutos e facendo partidos cunha grande achega ao equipo. Na súa última tempada xogou nos 21 partidos con 17,10 minutos de media; 3 puntos; 3,6 rebotes e unha valoración de 3,4.
Apuntan desde a entidade pontevedresa que a implicación de Margarita Moreira no club “fíxolle que por terceira tempada consecutiva ser a adestradora dos babys, onde fai un gran traballo. Coñecementos, implicación e sobre todo simpatía”.
Coa de Burela son xa cinco as xogadoras confirmadas para o novo proxecto do club en Liga Feminina 2 do CB Arxil. A entidade prepara ao seu primeiro equipo de cara a unha tempada que se presenta, din, “apaixonante coa incorporación dun grupo máis con 14 equipos, ampliando a liga a 42 equipos. Natalia, Cristina, Noelia, Forster y Margarita esperan a novas compañeiras do CB Arxil que iremos desvelando durante as próximas semanas”, advirten desde Pontevedra.
🚨💪🏾A todo terreo de burela @MargaritaMorena, asinou a sua renovación co noso senior de LF2. A ala-pivote galega suma así a terceira tempada no clube🏀💚.#LigaFemenina2#estaestugrada #FAMILIAVERDE pic.twitter.com/uCqTMkDv3K
— CB Arxil (@ArxilCb) July 17, 2020
