Nada sera igual na Cidade Deportiva de Abegondo sen as seareiras do Dépor ABANCA alentando ao equipo na bancada. O técnico das coruñesas, Manu Sánchez, é moi consciente diso e chega a asegurar que o Dépor ABANCA “é o equipo máis prexudicado da categoría pola circunstancia de xogar os partidos sen público“. Esta modificación está motivada polas medidas de prevención da COVID-19.
Tal e como explica o adestrador das galegas para explicar por que di que lles prexudica, “Abegondo é unha bancada que anima, que apoia, que aperta. Ímolo a botar moitísimo en falta. Temos que asimilar esta nova realidade para nós”. O entrenador admite que lles gustaría “que Abegondo fose o fortín do ano pasado, pero para iso axudounos moito a afección, que de inicio non a imos a ter”.
Manu Sánchez, adestrador do Dépor ABANCA: “Que Abegondo fose o fortín do ano pasado, pero para iso axudounos moito a afección, que de inicio non a imos a ter”.
Sabe Manu Sánchez que o RC Deportivo volve ao seu fortín, pero que as cousas non van “ser o mesmo. Para nós é un fervedoiro de emocións pero non vai poder ser así, non imos ter #anosaforza á beira do equipo. Toca traballo puro e duro a ver se lle podemos meter man a esta Real Sociedad”.
Manu Sánchez, adestrador do Dépor ABANCA: “Toca traballo puro e duro a ver se lle podemos meter man a esta Real Sociedad”.
O Dépor, prexudicado por xogar a porta pechada
É polo tanto un retorno #ANosaCasa agrio e doce a un tempo. Regresan as branquiazuis á competición xogando como locais, pero fáltaralles o máis importante, a súa afección e veranse prexudicadas por iso.
Ao respecto do rival que terán enfronte as deportivistas, a Real Sociedad, o técnico deportivista destaca que ten “unha capacidade asociativa moi alta. Para combatelo temos que estar moi ben situadas, non perder nunca o sitio”. O adestrador das galegas vaticina unha batalla entre os dous equipos “por quen controla o balón e quen decide a que se vai a xogar”.
Manu Sánchez, adestrador do Dépor ABANCA: “A Real Sociedad ten unha capacidade asociativa moi alta. Para combatelo temos que estar moi ben situadas, non perder nunca o sitio”
Agárdase polo tanto unha mañá de bo fútbol que haberá que gozar a través da televisión (o partido transmítese por GOL), dado que se disputará a porta pechada.
Con todo, e pese as ganas de gañar, Manu Sánchez mira o partido con perspectiva. Lembra que están a disputar aínda a segunda xornada da Primera Iberdrola. “Non podemos empezar a obsesionarnos“, avisa. “Sería importante obter un triunfo aquí porque temos moitos cambios no plantel para que o grupo estea tranquilo, para que sigan traballando con confianza. E esa confianza dancha sempre os resultados.
Ollada atrás para aprender do partido contra o Athletic Club
Respecto ao debut do pasado fin de semana ante o Athletic Club apunta que “en Lezama mereceramos mínimo o empate, pero ao final os goles son os que mandan. Custounos entrar no partido, conseguimos repornos, repuxémonos ao seu gol, igualamos o marcador e eu creo que ese foi o momento no que as tiñamos”.
Manu Sánchez, adestrador do Dépor ABANCA: “Corriximos cousas esta semana. Traballamos as vixilancias, a concentración as orientacións aos centros laterais e ter máis calma co balón”
Analizando o partido da primeira xornada con crítica construtiva, das que fan aprender, explica Manu Sánchez que nos erros do Dépor ABANCA estivo que “perdoamos e nunha acción illada que non soubemos defender ben pecamos de inxenuidade. É o que corriximos esta semana”, aporta de xeito tranquilizador o técnico galego.
