O adestrador do Dépor ABANCA, Manu Sánchez, manifestou en rolda de prensa que o Deportivo ABANCA encara o partido de mañá, domingo 2 de maio, na Cidade Deportiva ante o Madrid CFF (11:30 horas) tras recibir “un golpe duro” co empate (1-1) fronte á Valencia CF Feminino o pasado fin de semana despois de ir por diante moitos minutos no marcador e de fallar innumerables ocasións de gol. “O duelo pasámolo o domingo. O luns serviu para limpar a mente e durante a semana non incidimos moito no que ocorreu, deixando que as futbolistas se mentalicen do novo partido que temos por diante”, declaraba o técnico coruñés.
O preparador deportivista recalca que respecto ao comezo de tempada “cambiamos moitas cousas e cambiamos comportamentos e posicionamento no balón parado defensivo. Matizamos catro cosas. O importante é que elas crean no que están a facer e así o cren”.
Manu Sánchez: “O Madrid CFF está a facer unha tempada espectacular”
Sostén que o Deportivo ABANCA “debe levar o partido aos nosos intereses. O Madrid CFF está a facer unha tempada espectacular. Estamos a falar dunha dos persoais máis sobresalientes da liga. Tres do catro dianteiras titulares da selección brasileira son as súas xogadoras. Futbolistas como Pricila, Estela, Pilar… Podería destacar practicamente a todas. É un equipo que se está enchufado é moi difícil de superar. Acabámolo de ver. Veñen de eliminar a todo un Real Madrid CF na Copa da Raíña”.
Por todo iso, Manu Sánchez conclúe que o encontro de mañá é “complicado pero temos que facer valer Abegondo, o noso terreo de xogo e que nos xogamos bastante máis que elas. Iso ten que prevalecer e notarse no campo”.
O Dépor ABANCA precisa os tres puntos para manterse na loita pola salvación
