O Dépor ABANCA xogábase todo en Abegondo ante o Granadilla Tenerife, pero as branquiazuis só foron capaces de rabuñar un punto ante as canarias. O seu adestrador, Manu Sánchez, confesaba á fin do encontro que “tes unha sensación de que fixeches todo no partido para agarrarte á vida, que era o que nos xogábamos hoxe, e non puido ser”.
A falta de dúas xornadas e varios partidos desta fin de semana por comezar, as coruñesas teñen pé e medio na Reto Iberdrola. As herculinas xa comezaban a xornada sin depender de si mesmas, pero o feito de non sumar tres puntos limita as súas opcións. “Hai que agardar ata mañá para que o desenlace sexa oficial. Ímonos cun gusto moi amargo”, declaraba o técnico.
Os nervios pasan factura ao Dépor ABANCA
Manu Sánchez considera que desta vez ao seu plantel faltoulle “tranquilidade. É normal, saes ao campo co coitelo ao pescozo e en certos momentos faltou a tranquilidade, porque cando o tivemos, cando fumos capaces de conectar tres, catro, cinco pases, creo que somos moi superiores en fútbol e creo que o demostramos”, apunta.
Na primeira parte do partido ambos equipos mantiñan o encontro en táboas, cunha igualdade máxima sobre o verde de Abegondo, malia a distancia na táboa clasificatoria. “Tiñamos controlado o partido”, recorda o adestrador. Porén, as xogadoras do Dépor ABANCA non aproveitaron as súas ocasións a balón parado, e o duelo foi ao descanso a ceros.
Na segunda metade, “é o típico inicio que temos en Abegondo”, con máis ocasións de gol para as branquiazuis, pero maior acerto nas canarias. O Granadilla anotou nunha “xogada moi desafortunada”, pero o técnico sañienta que o equipo foi quen de recompoñerse.
Co paso dos minutos, as locais medráronse e foron incluso capaces de empatar. Tamén estiveron preto de tirar un penalti, non pitado pola árbitra, e “clarísimo” en palabras do adestrador. Con todo, o partido rematou en táboas.
“Hai que darlle o mérito ás xogadoras, que véndose cun gol en contra, co descenso ao outro lado da porta e despois de estar todo o ano en posicións de descenso, ten mérito conseguir empatar e xerar para darlle a volta. Creo que fixemos suficiente para levarnos a vitoria, que tampouco garantizaba nada”, recalca.
Manu Sánchez: “O deportivismo ten que estar orgulloso dun equipo que véndose no pozo todo o ano, foi capaz de pelexar como o fixo hoxe”
En liñas xerais, o adestrador asegura que “non teño ningún reproche, senón todo o contrario. Así como o estou eu e o resto do corpo técnico, creo que o deportivismo ten que estar orgulloso dun equipo que véndose no pozo todo o ano, foi capaz de pelexar como o fixo hoxe”.
Sánchez deulle minutos a Lía
Cando chegaba o minuto 65, Manu Sánchez deulle a entrada a Lía, cambiando a estratexia de xogo. “Temos claro que para ser superiores temos que selo a través do balón”, explicaba o adestrador.
Por este motivo, o técnico apostou por Lía para aumentar a superioridade numérica das branquiazuis, en lugar da superioridade posicional. “Según saiu deunos esa muller libre no segundo pase e sendo bastante difícil de detectar par a elas”, sinal Sánchez. Ademais, tamén serviu como refozo para xogadoras como Alba ou Gaby, que xa estaban a notar o cansancio.
O outro cambio do Dépor ABANCA estivo na saída de Eva Dios, quen leva tempo arrastrando problemas de xemelgos. “Hoxe estábao a facer ben, pero non podía máis”, razonaba o técnico.
Manu Sánchez e o equipo tivéronse que adaptar a un novo estilo de xogo
“Penso que cando comezamos a pretempada sabiamos o que tiñamos e o que había desaparecido de aquí e plantexamos diversas opcións. Estaba claro que segundo os primeiros partidos da tempada, non podíamos realizar o xogo que facíamos o ano pasado. Faltábannos certas pezas que non somos capaces desde dentro de substituir”, sinala, facendo balance da tempada.
Para Manu Sánchez o cambio de mentalidade chegou precisamente no anterior partido ante o Granadilla Tenerife, un “punto de inflexión”. A partir de entón, “intentamos trocar algunas cousas e non puidemos contar con algún reforzo en nadal. Iso mermou o plantel e fixo que ao final tiveramos que competir coas xogadoras que tiñamos e coa axuda das do B, pero penso que moi dignamente”.
Manu Sánchez: “Chegar ata aquí con vida é motivo de orgullo e dignidade e penso que hai que salientalo”
O adestrador subliña como tras a goleada sufrida en Riazor contra o Atlético de Madrid dábase ao equipo por descendido, e porén a falta de dúas xornadas aínda existen posibilidades. “Chegar ata aquí con vida é motivo de orgullo e dignidade e penso que hai que salientalo”, afirma.
Aínda hai esperanza
O adestrador branquiazul prefire olvidarse das contas e das matemáticas, pero aínda existe algunha posibilidade de que o Dépor ABANCA permaneza na Primera Iberdrola.
“No momento no que non gañamos en Huelva perdimos as opcións de depender de nós mesmas e hoxe era match ball para ter opcións de”, explica. O partido deste sábado era clave, e “agora si que xa non está na nosa man, está noutros resultados e se temos un pouco de sorte de saír vivas dos partidos de mañá é ir a Sevilla e ver se o azar vólvese presentar diante de nós”.
“O obxectivo de hoxe era sumar 3 puntos para apretar aos rivais e meter un pouco de presión e ter na nosa man as opcións de salvarnos, aínda que non dependera de nós. Pero as matemáticas non minten”, remata Sánchez.
