Esta tempada, o Dépor ABANCA leva unha traxectoria de menos a máis. Aprendeu a sufrir e a non deixar de loitar pese a todas as adversidades que tivo por diante nos últimos meses. Por iso, o seu técnico, Manu Sánchez avisa que aínda que axiña “vén un tramo complicado do calendario, mentalmente estamos preparadas”.
Agora mesmo As Nosas deportivistas teñen a salvación a tan só dous puntos. O seu preparador advirte que o bloque que adestra está listo para o reto. O Dépor ABANCA, dicía hoxe en rolda de prensa o técnico coruñés, “leva vivindo no barro desde a primeira xornada. Fomos capaces de refacernos e manter unha mentalidade competitiva de traballo moi alta durante todo o ano”.
Por esa tendencia de mellora, Manu Sánchez considera que “se cadra o problema téñeno os equipos que non se viron aí. A nosa mentalidade é de loita, de pelexar, de mirar cara arriba, de non baixar os brazos até o final. As xogadoras traballan a semana con ambición e ilusión porque se ven capaces de sacar adiante todo isto. Despois vén un tramo complicado do calendario e mentalmente estamos preparados”, asegura o adestrador deportivista.
Manu Sánchez, técnico deportivista, defendía o espírito loitador do grupo que adestra: “Se cadra o problema téñeno os equipos que non se viron aí. A nosa mentalidade é de loita, de pelexar, de mirar cara arriba, de non baixar os brazos até o final”
O técnico deportivista confesa que o Deportivo ABANCA “gozou o triunfo ante o Rayo Vallecano e o desenvolvemento do traballo durante a semana foi consecuencia desa alegría por esa importante vitoria. En calquera equipo de fútbol, traballar sobre unha vitoria sempre é máis agradable que sobre unha derrota”.
Pero a competición volve e as branquiazuis xa teñen diante de si outro reto. Será este domingo, 21 de marzo, ás 12:00 horas. O rival, e o EDF Logroño e o partido corresponde á 23ª xornada na Primeira Iberdrola.
Manu Sánchez, técnico deportivista: “As xogadoras traballan a semana con ambición e ilusión porque se ven capaces de sacar adiante todo isto. Despois vén un tramo complicado do calendario e mentalmente estamos preparados”
Manu Sánchez salienta o feito de xogar nas Gaunas
Tal e como apuntaba Manu Sánchez o recinto deportivo é un dos elementos motivadores deste cruce en terras da Rioxa. Neste sentido, sinalaba o entrenador que o partido será “especial principalmente polo escenario. Xogamos nas Gaunas, que é un estadio tintes moi deportivistas e mítico neste país”.
O adestrador do conxunto galego, prefire non cualificar ao Escuelas de Fútbol Logroño como un rival directo pola salvación na Primera Iberdrola debido a que “para min rivais directos son os doce que nos quedan para acabar”. Trátase dunha idea na que o técnico indide cada semana rexeitando tamén chamarlles aos cruces que restan ao Dépor ABANCA no calendario desta Primera Iberdrola 2020-2021 “finais”. Un concepto que recorda á idea de asumir os retos deportivos partido a partido, sen ter a mirada máis lonxe do obxectivo inmediato para evitar o vértigo nuns casos e a relaxación, noutros.
Manu Sánchez, adestrador do Dépor ABANCA: “para min rivais directos son os doce que nos quedan para acabar”
Do conxunto rioxano destaca que “ten unha moi boa base de traballo. O labor de Gerardo García (ex adestrador) tanto o ano pasado como este fixo que fose un equipo que nos encandeou a moitos. Sobre esa base agora Javier Moncayo está pincelando a súa estrutura”, analizaba o preparador coruñés.
O EDF Logroño “pode desenvolver diferentes armas, estilos… Imos ver quen se pode levar o gato á auga”, apuntaba Manu Sánchez sobre as rivais deste domingo das galegas na máxima categoría do fútbol feminino español.