Manu Sánchez compareceu en rolda de prensa tras o partido do domingo entre o Dépor e o Athetic de Bilbao, no que foi a primeira derrota das deportivistas no seu feudo no que vai de tempada na Liga Iberdrola. O técnico galego explicou que “O gol tan tempraneiro condicionou moito o noso xogo e a idea que tiñamos do plantexamento inicial. É certo que o Athletic fixo un gran traballo para dificultarnos a saída de balón”.
Manu Sánchez, adestrador do Dépor: “O gol tan tempraneiro condicionou moito o noso xogo e a idea que tiñamos do plantexamento inicial. É certo que o Athletic fixo un gran traballo para dificultarnos a saída de balón”.
El adestrador deportivista falou da falta de precisión das súas xogadoras e destacou que “este domingo non estivemos moi acertadas, non tivemos un bo día pero tentámolo ata ou final con esforzo e traballo. As xogadoras teñen marcado a lume que o traballo non negóciase, ainda en estes días que non saen as cousas. Queriamos dar unha alegría a toda a xente que veu ao campo pero non puido ser.
Manu Sánchez, adestrador do Dépor: “As xogadoras teñen marcado a lume que o traballo non negóciase, ainda en estes días que non saen as cousas”.
Alabou e falou do cambio de xogo que sufriu o conxunto de Villacampa desde o inicio da tempada: “O Athletic mudou moito o seu xogo desde o principio da tempada. Agora son un equipo moito máis directo e vertical. En días como hoxe que non saen as cousas, so queda felicitar as xogadoras polo esforzo e actitude ante un gran rival”.
Manu Sánchez, adestrador do Dépor: “O Athletic mudou moito o seu xogo desde o principio da tempada. Agora son un equipo moito máis directo e vertical”.
O galego tamén falou de que a primeira derrota na casa chega “nun momento doce” tras acadar o obxectivo da parmanencia o mes pasado: “É a primeira derrota na casa en máis dun ano. Agora estamos na elite do fútbol e este tipo de rexistros e difícil mantelos. O bon e que a derrota chega nun momento doce. Este tipo de derrotas noutro escenario sería máis difícil de dixerilas. Estamos a dar un nivel altísimo tanto de xogo como de resultados. Conseguir o obxetivo do club en xaneiro creo que pode ser ata un fito histórico”.
Manu Sánchez, adestrador do Dépor: “O bon e que a derrota chega nun momento doce. Este tipo de derrotas noutro escenario sería máis difícil de dixerilas”.
Manu Sánchez citou de novo a súas xogadoras o xoves 6 de febreiro en Abegondo (17:00) para comezar a preparar xa o partido de oitavos de final da Copa da Raíña en ABANCA-RIAZOR, ante o Valencia CF. Así pois, as deportivistas tómanse un respiro nesta esixente tempada para repoñer forzas e centrarse no seu debut copeiro. “Hoxe estivemos algo imprecisas e creo que faltou frescura. Agora creo que é ou momento de cargar as pilas e dar descanso para limpar a mente e as pernas”.
O técnico branquiazul tamén destacou que “o partido de Copa é un partido diferente. É un partido para elas, para que gocen de Riazor. Tanto elas como nós estamos desexando que chegue ese momento. Animamos á xente a que veña ao estadio a gozar destas xogadoras que están facendo un gran traballo”.
Manu Sánchez, adestrador do Dépor: “O partido de Copa é un partido diferente. É un partido para elas, para que gocen de Riazor. Animamos á xente a que veña ao estadio a gozar destas xogadoras que están facendo un gran traballo”.
Villacampa: “O ambiente de Abegondo é espectacular. Gozar deste ambiente faite sentir un privilexiado”
Ángel Villacampa falou na rolda de prensa de Abegondo tras ser o primeiro equipo que acada unha vitoria no feudo coruñés no que va de tempada. O adestrador quixo destacar ante todo a tristeza pola lesión de Oguiza: “Creo que a lesión de Oguiza tapa todo o conseguido hoxe aquí. A experiencia dinos que a lesión será de longa duración.
O técnico das leoas insitiu en que “perdoamos ocasións claras na primeira metade e tiñamos o temor de que na segunda parte pagásemos os erros, pero por sorte non foi así. O Dépor está a facer un temporadón, ten un selo propio. Non creo que sexa a sorpresa. Cando un equipo mantén un nivel tan alto e durante tanto tempo non é casualidade. Só queda dar os parabéns ao corpo técnico e ás xogadoras”.
Ángel Villacampa, adestrador do Athletic: “O Dépor está a facer un temporadón, ten un selo propio. Non creo que sexa a sorpresa. Cando un equipo mantén un nivel tan alto e durante tanto tempo non é casualidade”.
Tamén quixo destacar que “o éxito de Dépor está no traballo. Ten moitos rexistros e é un equipo moi ben traballado. Para nós é importante recortarlle puntos. Pretendiamos dificultar a saída de balón do Dépor porque sabiamos que é un equipo combinatorio e que lle gusta sacar o balón xogado desde atrás”.
Ángel Villacampa, adestrador do Athletic: “O éxito de Dépor está no traballo. Ten moitos rexistros e é un equipo moi ben traballado. Para nós é importante recortarlle puntos”.
Villacampa tamén alabou o ambiente vivido nas gradas de Abegondo: “O ambiente de Abegondo é espectacular. Nós en Lezama podemos gozar tamén dun sitio máxico pero vir aquí e gozar deste ambiente faite sentir un privilexiado”.
Ángel Villacampa, adestrador do Athletic: “O ambiente de Abegondo é espectacular. Nós en Lezama podemos gozar tamén dun sitio máxico pero vir aquí e gozar deste ambiente faite sentir un privilexiado”.
Azkona, gol aos nove segundos
A dianteira vasca foi unha das grandes protagonistas do partido anotando un gol aos nove segundos: “Creo que nunca marcara un gol tan pronto na miña carreira. Alégrome moito polo gol e pola vitoria. Foi un partido bastante quente no que os dous equipos queriamos levarnos os tres puntos. Foi un duelo moi bonito de xogar cun gran ambiente nas bancadas”.
Azkona, xogadora do Athletic Club: “Creo que nunca marcara un gol tan pronto na miña carreira. Foi un duelo moi bonito de xogar cun gran ambiente nas bancadas”.
Gaby: “A Copa motívanos moito”
A mediapunta deportivista tamén foi protagonista en rolda de prensa: “Creo que o partido foi moi disputado ante un dos mellores rivais da liga. A pesar do gol tan temperán e da derrota, nós seguimos facendo o noso traballo”.
Gaby, xogadora do Dépor: “Creo que o partido foi moi disputado ante un dos mellores rivais da liga. A pesar do gol tan temperán e da derrota, nós seguimos facendo o noso traballo”.
A venezolana tamén falou da gran campaña que está a realizar o conxunto galego: “Hoxe custounos un pouco ter a pelota pero ás veces non saen as cousas e toca seguir traballando. Se mo preguntan a principio de tempada non crese que a primeira derrota da tempada chegase tan tarde. O traballo que facemos está a producir efecto e agora temos que saír desta pequena fochanca para seguir continuando coa boa dinámica”.
Gaby, xogadora do Dépor: “O traballo que facemos está a producir efecto e agora temos que saír desta pequena fochanca para seguir continuando coa boa dinámica”.
Por último, a 19 deportivista cometou que “ogallá lle podamos devolver á xente todo o agarimo que nos está a dar desde as bancadas con vitorias. É un gusto cada vez que xogamos na casa. Temos moitas ganas de que chegue o partido de Copa para xogar o noso primeiro partido oficial en Riazor. A Copa motívanos moito”.
Gaby, xogadora do Dépor: “É un gusto cada vez que xogamos na casa. Temos moitas ganas de que chegue o partido de Copa para xogar o noso primeiro partido oficial en Riazor. A Copa motívanos moito”.
