O adestrador do Dépor ABANCA busca que o equipo que dirixe sume diante do CD Santa Teresa pero sobre todo que se reencontre co seu fútbol. Así Manu Sánchez declaraba en rolda de prensa que de cara a este partido quere que o bloque de futbolistas que prepara recupere o seu xogo, “o que era nosos acenos de identidade”
Para o entrenador coruñés, Manu Sánchez neste encontro “a idea é mellorar moitos conceptos que xa temos claros, e que sobre o papel xa coñecemos, pero estabamos a errar”.
Tamén apunta que quere “incidir na concentración, no que temos que buscar con balón, en temas de vixilancias defensivas, que o equipo estea un pouco máis xunto, que haxa menos espazos para o rival e buscar a mellor maneira posible para facerlles dano a elas”.
En resumen o técnico coruñés quere que o equipo se reencontre co “que eran nosos acenos de identidade reforzalos e pór o acento sobre elas para que volvamos ter esa consistencia como bloque”.
O partido dispútase o sábado 31 de outubro ás 13:00 horas na Cidade Deportiva de Abegondo. O Dépor ABANCA, apremiado polos resultados, non perde de vista que o máis importante segue a ser medrar sobre o campo. Pero quere puntuar e rachar tamén con ese casilleiro a cero puntos. Nese sentido, Manu Sánchez manifestaba: dámoslle a importancia a sumar, a referendar o traballo que estamos a facer estes últimos días para corrixir erros”.
Por outro lado, o técnico falaba da motivación das deportivistas: “Temos moitísimas ganas, o equipo está moi motivado para o partido de mañá, desexando que chegue. Facer un bo partido e corrixir eses erros, que eu creo que nos vai a achegar a sumar puntos non só este sábado senón en diante”.
Santa Teresa, é un “equipo rochoso, complexo, sen fisuras”, di Manu
Ao respecto do CD Santa Teresa, o técnico branquiazul destaca que “é un equipo veterano. Estivo recentemente en Primeira División varias tempadas; con moita experiencia e con xogadoras como Naya, Estefa, Parralejo que saben perfectamente o que é esta categoría. Teñen moitos partidos encima. É un equipo rochoso, moi complexo, moi ben traballado que ten unha idea clara de xogo. Non ten fisuras. Practican un xogo rápido de ataque, con saídas ao contragolpe, cun fútbol moi directo e moita orde defensiva”.
Segundo explicaba o adestrador das galegas o estremeño é un equipo “moi complicado, está a facer un bo inicio de tempada, está a puntuar, está a dar moi boa imaxe ante rivais de entidade como o Atlético de Madrid. E virá aquí a pórnolo difícil. Pero a nosa idea é facer valer Abegondo”.
Preparación física
Ao Dépor ABANCA agárdelle toda unha maratón de partidos. En dúas semanas deberá xogar un total de cinco partidos. A este respecto, Manu Sánchez advirte sobre o feito de que “a preparación física vai enfocada segundo o calendario reclama. Hai que estar preparados para estas 5 xornadas seguidas”.
Segundo explicabao entrenador coruñés: “Hai que xestionar ben os descansos, o tipo de traballo que buscamos, os días de adestramento e un pouco de organización. Programar toda a carga de traballo, organizala ben. É máis preocupante tres saídas fóra con tres viaxes longos. Organizar tamén as cabezas das xogadoras, preparalas para todo iso”.
Manu Sánchez, entrenador do RC Deportivo ABANCA: “Hai que xestionar ben os descansos, o tipo de traballo que buscamos, os días de adestramento e un pouco de organización. Programar toda a carga de traballo, organizala ben. É máis preocupante tres saídas fóra con tres viaxes longos. Organizar tamén as cabezas das xogadoras, preparalas para todo iso”.