Despois do trunfo 3-0 do Dépor ABANCA ante o Madrid CFF, o adestrador das coruñesas, Manu Sánchez, comparecía ante os medios informativos e aseguraba que as futbolistas “merecíanse un día como o de hoxe”. O técnico recoñecía que para competir nesta categoría, con todo o que ten pasado este bloque neste ano (plantilla curta, lesións, etc.) “o equipo ten que estar por encima das súas posibilidades” e asegura que cando acadan es plus, ” temos poucas rivais”. Manu Sánchez agradecía a #ANosaForza o seu alento en Abegondo e pedíalles “se selles pode pedir algo, que nos sigan animando como hoxe”.
O adestrador do conxunto deportivista admitía que había ganas de resarcirse nesta xornada de derrotas pasadas. “Tiñamos esa espiña cravada do día da Valencia CF, que creo que fixemos un traballo enorme. Hoxe ante todo un semifinalista de Copa da Raíña, un equipo que non se gardou nada, as mozas deron un bo nivel, entenderon perfectamente o que había que facer e entenderon o que nos xogabamos. As sensacións son moi boas”, engadiu.
Non é Manu Sánchez amigo de botar man da calculadora, pero pouco a pouco vai sendo tempo de facelo. Aínda que neste sentido insistía en que “as contas son seguir gañando partidos. A pesar da alegría de hoxe quédannos sete partidos por disputar. Hai que gañar un gran número deles para conseguir a permanencia”, sostiña o técnico herculino ante os medios.
Do partido diante do Madrid CFF o adestrador branquiazul dixo quedarse: “co espírito do equipo. Moitos equipos saíndo a disputar a xornada de hoxe con oito puntos por baixo da salvación non darían o nivel que demos hoxe nin esa ambición, nin esas ganas de seguir vivindo”.
Manu Sánchez, adestrador do Dépor ABANCA: “Deste partido, quédome co espírito do equipo. Moitos saíndo a disputar a xornada de hoxe con oito puntos por baixo da salvación non darían o nivel que demos hoxe nin esa ambición, nin esas ganas de seguir vivindo”
Manu Sánchez indica que o desta xornada foi un “partido de portería a cero, moitos goles… se cadra creamos menos ocasións que o domingo pasado e fixemos máis goles. Un alegrón con bastante xente en Abegondo, que é o máis bonito disto”.
Agradecemento #ANosaForza polos folgos desde a bancada
Pese a que este trunfo da pé á esperanza Manu Sánchez advirte que “a #ANOSAFORZA non hai que enganala. Hai que facerlle ver a realidade. A realidade é que segue estando moi difícil, pero co triunfo de hoxe estamos vivas. O que si hai que pedirlles, se se nos permite pedir algo, é que nos sigan apoiando”.
O técnico deportivista Manu Sánchez recoñece que a salvación “aínda está moi difícil. A afición é importantísima, notámolo moitísimo. A ver se entre todos conseguimos facer a xesta, que é o que sería isto”
“Dese sete partidos que temos que disputar temos que xogar en casa tres importantísimos que temos que sacar adiante. E se somos capaces de sumar nun ou dous que teñamos fose podémolo facer. Pedirlles que nos sigan animando como hoxe, dentro das posibilidades sanitarias. Son importantísimos, notámolo moitísimo. A ver se entre todos conseguimos facer a xesta, que é o que sería isto”.
Manu Sánchez felicita ao Barça: “É un éxito de todo o fútbol feminino”
Consultado sobre por que nuns partidos se conseguen goleadas e noutros hai escasez de goles, o adestrador do conxunto branquiazul desbotaba que fose cuestión de sorte. “O azar pode intervir en momentos puntuais, pero non podemos dicir que estemos abaixo por mala sorte”.
Para Manu Sánchez a realidade é que “este equipo, para competir de verdade os partidos, penso que ten que estar por encima das súas posibilidades. Como foi o caso de hoxe. Temos unha plantilla curta, tivemos lesións… para estar ao nivel desta categoría o equipo ten que estar por riba das súas posibilidades, como fixemos hoxe. Ao final estamos a forzar a algunhas xogadoras que están moi xustas, e ten que haber unha extra motivación que non só se consigue so coa motivación propia das futbolistas e do vestiario, conseguése coa xente, con verse co barro ata o pescozo e querer seguir vivindo esta marabilla. É a forma que temos de acadar os resultados”.
“Nesta tempada, ningún rival nos pasou por rival, ningún nos goleou, salvo o FC Barcelona, que por certo, aproveito para felicitar a Lluís Cortés por chegar á final europea. É un éxito no so delas é un éxito do fútbol feminino deste país. Ogallá celebremos un título europeo de clubs. E volvendo a nós, o equipo, en partidos como o de hoxe, ten que dar un plus, e cando ese plus temos poucas rivais”.
Quen dixo medo? O Dépor ABANCA prántalle cara ao Madrid CFF vencendo 3-0
Iris Arnaiz, Cris Martínez e Gaby un trío de centenarias branquiazuis
