Manu Sánchez, adestrador do Deportivo ABANCA, admitía en sala de prensa nunha rolda virtual que, tras a vitoria do pasado sábado en Eibar, que o “fútbol é un estado anímico” e que o do Dépor estaba “polo chan”. Sen embargo, logo deste triunfo, o técnico manifestaba que agora “o equipo animicamente está ben, as mozas están contentas, gozaron desta vitoria e do descanso que teñen agora para afrontar o que vén por diante”.
Subliñaba o técnico coruñés que “gañar sempre é positivo. Queda moito que arranxar aínda. Estamos a xogar unha liga cunha desvantaxe enorme debido ás anteriores derrotas. Temos que asimilar todo iso e seguir traballando para conseguir máis vitorias”.
Empezar gañando para logo reencontrarsecoas pantasmas
En Eibar, confesou que se atoparon co “bo inicio e ese gol. Aos 2 ou 3 minutos outra ocasión moi clara de Alba Merino, que manda o balón ao traveseiro. Iso ten unha connotación negativa. Dalgunha maneira o equipo se cadra pensou que o partido ía ter unha dificultade diferente da que realmente tiña. Volveron moitas pantasmas dos partidos anteriores e en moitos momentos volvemos ser ese equipo vulnerable. E así foi que o Eibar conseguiu remontar o resultado en media hora”, explicaba.
Manu Sánchez, adestrador do Dépor ABANCA: Vin á xente moi solta o sábado, con ganas de probar e de ser valentes. O resultado está aí e é máis que xusto”.
Na súa comparecencia ante os medios, Manu Sánchez subliñaba que o bloque de futbolistas formado por Athenea, Gaby, Peke… “non deixou de funcionar en ningún momento. Este ano houbo partidos como en Barcelona, Bilbao, a segunda parte da Real Sociedade, do Santa Teresa nos que o equipo traballou ben pero non conseguiu os resultados. As xogadoras son as mesmas. Aquí cúmprese unha máxima que di que ‘o fútbol é un estado de ánimo’. E o estado de ánimo estaba polo chan. E iso moitas veces complica o labor e as intencións das xogadoras. Vin á xente moi solta o sábado, con ganas de probar e de ser valentes. O resultado está aí e é máis que xusto”.
Precisamente en Unbe o técnico coruñés non só destaca o labor da goleadora Peke, “que ten que estar no equipo para facer os goles. É a nosa máxima goleadora histórica do Club. É unha boa noticia que teña puntaría de novo”; tamén se inclina polo partido de Athenea del Castillo porque “foi crucial no catro goles”.
O Logroño, o seguinte reto en Abegondo para as de Manu Sánchez
Finalmente, do EDF Logroño, rival este domingo 13 de decembro en Abegondo (12:00 horas), apunta Manu Sánchez que é un equipo “con moitas similitudes a nós. Primeiro porque fixo unha tempada espectacular o ano pasado; e con moi poucos cambios de xogadoras e o mesmo técnico non está a atopar os resultados esta tempada. É o que nos está pasando a nós”.
Manu Sánchez, adestrador do Dépor ABANCA: “O Logroño é un equipo que trata de xogar desde atrás, con moita alegría. Gústame moito o seu modelo de xogo”
“É un equipo que trata de xogar desde atrás, con moita alegría. Gústame moito o modelo de xogo de Gerardo (García, técnico do equipo rioxano) e o seu traballo. Imos ter un partido no que se van a enfrontar dous equipos moi necesitados, que o ano pasado fixemos moi bo papel e que agora a situación é diferente. E iso vai condicionar o xogo e a realidade dun e outro”, engade.
Volta ao traballo
O Dépor ABANCA regresa mañá, mércores 9 de decembro aos adestramentos para preparar o seu cruce da fin de semana co EDF Logroño. As galegas recibirán a ese conxunto en partido correspondiente á 11ª xornada na Primera Iberdrola. A cita está fixada para o domingo 13 de diciembre en Abegondo ás 12:00 horas.
