O técnico deportivista Manu Sánchez confesou que o pasado sábado en Eibar, nada máis sinalar o colexiado o final do partido, “observei bágoas máis que sorrisos e alegría. Había bágoas de rabia, de impotencia. E iso agrádame porque vexo que hai un sentimento de responsabilidade moi grande co equipo, co Club. É unha satisfacción”.
Admitía ante os medios Manu Sánchez sentirse “incómodo” coa situación do Dépor ABANCA, “porque non estamos á altura do que deberiamos estar. E son o máximo responsable”, conclúe. Con serenidade e cabeza fría, o entrenador explicaba que si está “feliz por elas, pero non estou contento porque cando miras a clasificación ponche na realidade, no teu sitio”, asevera. O adestrador explica que procura “abstraerme desa felicidade efémera para ser responsable e consecuente co que temos entre mans. En canto acabamos o partido en Eibar xa estaba a pensar neste e no que temos que facer”.
Manu Sánchez, técnico do Dépor ABANCA non lanza as campás ao voo logo de vencer ao Eibar: “Cando miras a clasificación ponche na realidade, no teu sitio”
Manu Sánchez indicaba este mediodía en rolda de prensa que no encontro de mañá, domingo 13, na Cidade Deportiva de Abegondo entre o Deportivo ABANCA e o EDF Logroño (12:00 horas) veranse as caras “dous equipos con moitas similitudes, dous equipos que humildemente creo que fixemos unha gran tempada o ano pasado”.
Na opinión do máximo responsable do corpo técnico, Manu Sánchez, no Real Club Deportivo e no EDF Logroño deuse certa continuidade aos bloques “máis ou menos para tratar de abordar este ano igual; e atopámonos en dúas dinámicas moi complicadas. Dúas situacións anómalas para o que esperabamos tanto nun lado como no outro”.
Consultado sobre o rival desta xornada, Manu Sánchez, adestrador do Dépor ABANCA, decía sobra as rioxanas: “É un equipo que me gusta moito. en todas as liñas é un equipo moi compensado. Este ano fixeron moi boas incorporacións”
Consultado sobre o xogo do rival, o adestrador deportivista manifestaba que o EDF Logroño é un equipo que lle “gusta moito. Xa me gustou moito a tempada pasada. Gerardo (García, técnico) fai un traballo espectacular”.
Na súa análise das rioxanas, o preparador das galegas explicaba que “en todas as liñas é un equipo moi compensado. Este ano fixeron moi boas incorporacións. Gústame moito a xente que incorporaron e a xente que teñen. Van atopando un once definido. Tentan xogar aínda que como nós trataron de minimizar eses riscos atrás, cun fútbol moi dinámico, buscando ser verticais, con esa velocidade que teñen arriba. É un equipo con xogadoras moi interesantes, que saben xogar e que o tentan”, relaba Manu Sánchez.
Manu Sánchez, adestrador do Dépor ABANCA: “O EDF Logroño é un equipo con xogadoras moi interesantes, que saben xogar e que o tentan”
Aínda que non lle gusta falar de xogadoras en concreto, Manu Sánchez fixo unha excepción esta mañá de sábado para destacar o cuadro rival “a unha institución neste país como é Jade, que tiven a sorte de coñecela hai moitos anos. Paréceme unha xogadora incrible”.
Sobre a entidade, o preparador coruñés destacaba que o EDF Logroño é “un dos equipos que apostan polo fútbol feminino. A proba é que xogan os seus partidos nas Gaunas”.
O Dépor ABANCA busca o seu primeiro triunfo na casa co EDF Logroño enfronte
