- “Non botamos contas por se hai unha suspensión da competición”, sostén o adestrador do Dépor ABANCA, Manu Sánchez, que lembra que o fútbol é un traballo que se ten que “tratar coa mesma seriedade que se tratan outros sectores”
Debido á situación sanitaria as restricións están aumentando en diferentes eidos sociais e económicos para tentar frear o avance da pandemia de COVID-19 en España e máis en concreto en Galicia. Hai actividades como a hostalaría que tiveron que pechar ou reducir notablemente a súa actividade. Esta mesma semana, a Xunta de Galicia suspendía esta semana as competicións de ámbito autonómico en todas as disciplinas deportivas.
Polo de agora, as competicións de ámbito estatal, así como os deportistas de alto nivel están eludindo o parón, pero a idea está aí, latente, e podería plantexarse unha suspensión temporal ou definitiva dalgunha competición, tal e como acontecera o pasado ano co avance do coronavirus. O fútbol feminino foi daquela un dos afectados por esa medida.
“Eu penso en xogar, non en si se para ou non se para”, di Manu Sánchez
Consultado sobre a posibilidade de que a competición na Liga Iberdrola poidera chegar a suspenderse debido á situación sanitaria e iso engada urxencia e presión ás deportivistas, que non están ben situadas na táboa, o técnico deportivista, Manu Sánchez, di non pensar niso. “Tamén antes de empazar a competición se pactaron unhas normativas e un protocolo e á sétima xornada cambiouse todo. Non me paro a pensar. Eu conto con que teño que xogar toda a competición. Non penso en coeficientes, nin se se para ou non se para”, explica o entrenador do Dépor ABANCA.
Manu Sánchez defendeu a visión do fútbol feminino como unha actividade laboral que debera tratarse do mesmo xeito ca outras. “A perspectiva que ten que ter a xente é que isto, o fútbol, é un traballo. As futbolistas e eu estamos aquí facendo un traballo, como moitos outros empregos. Hai moita xente que se están vendo perxudicada por certas medidas. Se esas medidas chegan a nós, a Federación tense que plantexar moitas cousas”, advertía en referencia tácita ás consecuencias que poidera levar aparellada unha posible suspensión da competición no ámbito futbolístico.
Manu Sánchez, adestrador do Dépor ABANCA: “Isto é un traballo. As futbolistas e eu estamos aquí traballando, como se fai noutros moitos empregos. Hai moita xente que se están vendo perxudicada por certas medidas. Se esas medidas chegan a nós, a Federación tense que plantexar moitas cousas”
Nese sentido, Manu Sánchez apuntaba que na propia Liga Iberdrola “houbo cousas no inicio que logo se cambiaron. Se as reglas de xogo se cambiaron na competición, terá que terse en conta ao final da competición”, argumentaba o técnido coruñés. “Comezouse cun protocolo de actuación por mor da suspensión de partidos e viuse que así suspendíanse unha cantidade enorme. E logo mudouse. A Federación, con sentido común, actuou en base a situación que había nese momento. Eu penso que unha competición que depende dunha pandemia mundial ten que estar atenta a situacións trocantes”, sostén o preparador deportivista Manu Sánchez, ante as preguntas dos xornalistas en rolda de prensa.
Manu Sánchez, entrenador do Dépor ABANCA: “Eu conto con que teño que xogar toda a competición. Non penso en coeficientes, nin se se para ou non se para”
“Moita xente vive do fútbol”, lembra
“Ás veces banalizase moito pensando que “é futbol”, e tal pero hai moita xente que vive disto. Tense que tratar coa mesma seriedade que se tratan outros sectores”, puntualizaba o adestrador galego. Con todo, advertiu que no Dépor ABANCA “non pensamos na suspensión. Pensamos en gañar partidos, en pelexar por iso. Non debéramos botar contas da leiteira”.
